iMyanmarHouse.com - Myanmar's No. 1 Property Website
×

လူတိုင်းမှာ မိမိရဲ့ အရည်အချင်းကို အပြည့်အ၀သုံးပြီး ကြီးကျယ်တဲ့ဖန်တီးမှုတွေကို လုပ်ဆောင်လိုစိတ် ရှိကြမှာပါပဲ။ ဒါပေမဲ့ တာဝန်သိတတ်မှုနဲ့ အဆက်မပြတ်လေ့လာ ဆည်းပူးမှုတို့ပေါ်မူတည်ပြီး အောင်မြင်မှုအတိုင်းအတာတွေ ကွာခြားသွားတတ်ကြပါတယ်။ တခါတလေမှာ လူများစုဟာ အလုပ်တာဝန်ဖိစီးမှုကြောင့်ဖြစ်စေ၊ မိသားစုကိစ္စ များကြောင့်ဖြစ်စေ အဆက်မပြတ်ကြိုးစားမှုတွေ လျော့သွားတတ်ကြပါတယ်။ အဲဒီလိုလျော့ပါးသွားခဲ့ရင် ချက်ချင်းသတိပြုနိုင်ပြီး ပြန်လည်အားတင်း ရှေ့ဆက် ကြိုးပမ်းနိုင်စေဖို့ ကြိုးစားမှုလျော့ပါးသွားခြင်း လက္ခဏာရပ်တွေကို ဖော်ပြပေး လိုက်ပါတယ်။

(၁) ကျွမ်းကျင်ပြီးသား သမရိုးကျအလုပ်ကို စွဲမြဲစွာလုပ်နေမိခြင်း
မိမိရဲ့အရည်အချင်းကို အဆက်မပြတ်အရောင်တင်နေသူတွေဟာ လေ့လာဆည်းပူနိုင်မယ့် အခွင့်အရေးကို စွန့်စွန့်စားစားရယူတတ်ကြပါတယ်။ ကိုယ့်ရဲ့အရည်အချင်းဘယ်လောက်ရှိလဲ အစွမ်းကုန်စမ်းသပ်အသုံးချနိုင်ဖို့အတွက် စွန့်စားလုပ်ကိုင်လိုစိတ်ဟာ မဖြစ်မနေလိုအပ်ပါတယ်။ ကိုယ့်ရဲ့အရည်အချင်းကို အစွမ်းကုန်ထုတ်သုံးရတဲ့အခါမျိုးမှာ အောင်မြင်မှုနဲ့ရှုံးနိမ့်မှုကြား မသေချာမှုတစ်ခုထဲမှာ ရောက်နေတဲ့အခြေအနေမျိုးဖြစ်လို့ စိတ်ပင်ပန်းလူပင်ပန်းဖြစ်ရပါတယ်။ ဒါကိုရှောင်ရှားဖို့အတွက် သင်ဟာ မိမိကျွမ်းကျင်ပြီးသားသမရိုးကျအလုပ်နယ်ပယ်မှာ သက်တောင့်သက်သာ အလုပ်လုပ်နေတယ်ဆိုရင် ဒါဟာ အရည်အချင်းတိုးတက်မှု ရပ်တန့်သွားပြီ ဆိုတဲ့ အဓိပ္ပာယ်ပါပဲ။

(၂) မိမိရသင့်တာထက် ပိုယူနေမိခြင်း
အမှန်တကယ်မှာတော့ သင်ဘယ်လောက်ပဲ တော်နေပါစေ၊ သင့်ရဲ့လုပ်ဆောင်ချက်တွေကို လူတိုင်းက ကျေနပ်အားရဖို့ဆိုတာ မလွယ်ကူပါဘူး။ ဒါပေမဲ့ မိမိရသင့်တာထက် ပိုယူနေမိခြင်း ရှိမရှိဆိုတာကိုတော့ သူများရဲ့ကျေနပ်အားရမှုပေါ်မတိုင်းတာပဲ မိမိဘာသာတိုင်းတာရမှာ ဖြစ်ပါတယ်။ မိမိရဲ့စွမ်းဆောင်ချက်တွေဟာ မိမိရနေတဲ့လုပ်ခလစာ (ဒါမှမဟုတ်) တာဝန်ယူထားတဲ့ အလုပ်တာဝန်ပရောဂျက်ရဲ့ အောင်မြင်မှုပမာဏနဲ့ ကိုက်ညီပါရဲ့လား။ တကယ်အရည်အချင်းနဲ့ ပြည့်ဝသူတွေဟာ မိမိကိုပေးထားတဲ့လစာထက်တောင် ပိုထိုက်တန်တဲ့အောင်မြင်မှုမျိုးကို ရယူစွမ်းဆောင်နိုင်ကြလေ့ရှိပါတယ်။ အကြောင်းရင်းကတော့ လုပ်ခလစာကြောင့်အလုပ်လုပ်တယ် ဆိုတာထက် မိမိရဲ့အရည်အချင်းတိုးတက်မှုအတွက် အလုပ်လုပ်ကြတာဖြစ်လို့ပါပဲ။

(၃) အခွင့်အလမ်းထက် အတားအဆီးတွေကိုပဲမြင်နေခြင်း
စိန်ခေါ်မှုအသစ်တစ်ခုပေါ်ထွက်လာတိုင်း သင့်ရဲ့အမြင်ကို သုံးသပ်ကြည့်ပါ။ စိတ်လှုပ်ရှားတက်ကြွ ဖွယ်ရာလို့မြင်ပါသလား၊ အခက်အခဲအတားအဆီးလို့မြင်ပါသလား။ မိမိရဲ့အရည်အချင်းကို တိုးသထက်တိုးတက်စေဖို့ ကြိုးစားနေသူတွေဟာ စိန်ခေါ်မှုတွေ၊ အခက်အခဲတွေကို မကြောက်တတ်တဲ့အပြင် အဆိုးနဲ့အကောင်းဒွန်တွဲတတ်တဲ့သဘာဝကို နားလည်လက်ခံတဲ့ အလျောက် အကောင်းဘက်ကိုပဲ အလေးပေးရှုမြင်လေ့ရှိကြပါတယ်။ စိန်ခေါ်မှုတွေနဲ့ရင်ဆိုင်ရတဲ့ အခါ အခက်အခဲတွေထက် အခွင့်အလမ်းတွေကိုပဲ အလေးပေးကြည့်မြင်တတ်ခြင်းက ဘ၀မှာ အောင်မြင်မှုတွေရရှိဖို့ အထောက်အကူအဖြစ်ဆုံးအချက်ပါပဲ။

(၄) အမှားလုပ်ရမှာကြောက်ခြင်း
အောင်မြင်မှုဆီ လျှောက်လှမ်းတဲ့ဖြစ်စဉ်မှာ အမှားမှားအယွင်းယွင်းဖြစ်မှုတွေဟာ မလွဲမသွေ ပါဝင်တဲ့ အဓိကဇာတ်ကောင်တွေပါပဲ။ အရည်အချင်းရှိတဲ့သူတွေလည်း အမှားတွေလုပ်ကြတာပါပဲ။ ဒါပေမဲ့ အရည်အချင်းရှိသူတွေရဲ့ အားသာချက်က အမှားကနေ သင်ယူပြီး ပိုမိုကောင်းမွန်မှန်ကန် တဲ့ ရလာဒ်တွေကို အကောင်အထည်ဖော်နိုင်ကြခြင်းပါပဲ။ လူတိုင်းမှာအရည်အချင်းကိုယ်စီ ရှိကြတဲ့အတွက် အောင်မြင်သူနဲ့မအောင်မြင်သူကြား ခြားနားချက်ဟာ အမှားအပေါ်ရှုမြင်တဲ့ သဘောထားပဲဖြစ်ပြီး ဒီအချက်ကပဲ သင့်ကို အောင်မြင်သူလည်းဖြစ်စေနိုင်သလို မအောင်မြင်သူ လည်းဖြစ်စေနိုင်ပါတယ်။ အမှားလုပ်မိတဲ့အခါတိုင်း ရပ်တန့်နောက်ဆုတ်လိုက်မယ့်အစား ဒါဟာ ပိုမိုသင်ယူတတ်မြောက်ဖို့အခွင့်အရေး အချိုးအကွေ့ဖြစ်ကြောင်းသာ မှတ်ယူပြီး ရှေ့ဆက်ဖို့ပါပဲ။

(၅) လွယ်ကူတဲ့ဖြတ်လမ်းကို ပိုမိုနှစ်သက်ခြင်း
ဆေးတစ်လုံးသောက်လိုက်ရုံနဲ့ ကိုယ်အလေးချိန်အများကြီးလျှော့ချနိုင်တဲ့ အလွယ်နည်းတွေ ပေါ်ပေါက်လာတဲ့ ဒီလိုခေတ်ကြီးမှာ လူတိုင်းဟာ ဖြတ်လမ်းနည်းတွေကို ရှာဖွေလာကြပါတယ်။ လောကနိယာမအရ လူတစ်ယောက်အမှန်တကယ် အောင်မြင်ပျော်ရွှင်ဖို့ ဖြတ်လမ်းနည်းဆိုတာ မရှိပါဘူး။ မိမိရဲ့အရည်အချင်းတွေ တစ်နေ့ထက်တစ်နေ့ တိုးပွားနေစေဖို့ အခက်အခဲတွေကို ကျော်လွှားတဲ့နည်းကလွဲပြီး တခြားနည်းလည်းမရှိပါဘူး။ မွေးရာပါအရည်အချင်းကိုတောင် ကျွမ်းကျင်စေဖို့အထပ်ထပ်လေ့ကျင့်ပေးမှသာ ဘ၀ရဲ့မိုင်တိုင်များစွာကို တန်ဖိုးရှိရှိဖြတ်သန်း နိုင်မှာဖြစ်ပါတယ်။

(၆) မိမိရဲ့အရည်အချင်းကို အရောင်တင်ဖို့ထက် တခြားကိစ္စတွေမှာ စိတ်ဝင်စားနေခြင်း
မိမိရဲ့အရည်အချင်းကို အာရုံစူးစိုက်ပြီး အချိန်ပေးလေ့ကျင့်ပေးမှသာ ကျွမ်းကျင်မှုကို ရရှိလာမှာဖြစ်ပါတယ်။ သင့်ရဲ့အချိန်တွေကို ဘယ်လိုကိစ္စတွေမှာ ကုန်လွန်နေမိလဲ ပြန်ဆန်းစစ်ပါ။ အချိန်နဲ့ အင်အားဟာ အကန့်အသတ်ရှိတဲ့အတွက် မိမိအမှန်တကယ်စိတ်ပါဝင်စားတဲ့အရာ ပေါ်မှာသာ အာရုံစိုက်ပြီး အစွမ်းကုန်လုပ်ဆောင်သင့်ပါတယ်။ သင်မြတ်နိုးတဲ့အလုပ်မှာ အရည် အသွေးမြင့်တက်လာစေတဲ့ ပတ်ဝန်းကျင်၊ မိတ်ဆွေ၊ လုပ်ဖော်ကိုင်ဖက်တွေနဲ့ ပိုမိုတွေ့ဆုံပေးပါ။ မိမိရဲ့စွမ်းအင်တွေကို ထိုအရာပေါ်မှာသာ စူးစိုက်မြှုပ်နှံဖို့ အမြဲသတိပြုသင့်ပါတယ်။

ဒီအချက်တွေထဲက အချက်တစ်ခုခုနဲ့ဖြစ်စေ အများစုနဲ့ဖြစ်စေ ကိုက်ညီနေခဲ့ရင် မိမိဟာ ကိုယ်ပိုင်အရည်အချင်းတွေကို မတိုးတက်စေပဲဖြုန်းတီးနေမိကြောင်း သတိပြုမိပြီး ပြန်လည်အားတင်းရှေ့ဆက်ကာ သူမတူတဲ့အောင်မြင်မှုတွေကို လှမ်းကိုင်နိုင်ကြပါစေလို့ ဆန္ဒပြုလိုက်ပါတယ်။

Credit : yangonlife

ဤစာဖတ်သူများအားလုံးစိတ်ဓာတ်ခွန်အားတွေရရှိနိုင်ပါစေလို့ရွှေချစ်သူမှဆုတောင်းမေတ္တာပို့သပေးပါတယ်။

မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...


 
 
အသစ်တင်တိုင်း Email ပို့ပေးပါမည်။
သင်၏ Email ကို အောက်တွင် ဖြည့်စွက်၍ Submit လုပ်ပါ။
 
 
Top