iMyanmarHouse.com - Myanmar's No. 1 Property Website
×

တစ်နေကုန် အလုပ်မှာအချိန်ကုန်နေရတဲ့ ကျမဟာ စနေနေ့မှာပဲ အိမ်သန့်ရှင်းရေးလုပ်ဖို့ အမြဲစဉ်းစားခဲ့ပါတယ်။ ဒါပေမဲ့ တစ်ပတ်အတွင်း စနေနေ့မရောက်ခင်ရင်တွေမှာလည်း ရှင်းလင်းသပ်ရပ်မှုမရှိတဲ့အခြေအနေမျိုးကို စိတ်မပျော်ရွှင်နိုင်ခဲ့ပါဘူး။ ဒါ့အပြင် တကယ်တမ်း စနေနေ့ကို ရောက်တဲ့အခါမှာလည်း တအိမ်လုံးကိုရှင်းလင်းတိုက်ချွတ်ဆေးကြောရတာ အရမ်းကို ခြေကုန်လက်ပန်းကျပြီး နောက်တနင်္လာလည်းရောက်ရော ထုံးစံအတိုင်း ရှုပ်ပွနေတော့တာပါပဲ။ တစ်ကိုယ်တည်းသမားဆိုရင်တော့ ကိစ္စမရှိပေမဲ့ သားသမီးတွေနဲ့ဆိုရင်တော့ အရမ်းကို ခက်ခဲပါ တယ်။

အားလုံးကို တစ်နေ့တည်းစုပြီးလုပ်တာဟာ အချိန်မလောက်ငပဲ မပြီးမစီးနိုင်ဖြစ်ကာ အရမ်းကို ပင်ပန်းတတ်တဲ့အတွက် တနေ့မိနစ် ၂၀ လောက် အချိန်ပေးပြီး နည်းနည်းစီလုပ်ရုံနဲ့ သပ်ရပ် သန့်ရှင်းတဲ့အိမ်လေးကို ပိုင်ဆိုင်နိုင်ပါတယ်။ အလုပ်က ပြန်လာတဲ့အခါ လုပ်ရတာမျိုးဖြစ်နိုင်တဲ့ အတွက် အားအင်ကုန်ခမ်း ငြီးငွေ့ခြင်းမရှိပဲ လုပ်နိုင်ဖို့ နည်းလမ်း ၅ သွယ်ကို ဖော်ပြပေးလိုက် ပါတယ်။

(၁) အိမ်အ၀င် တံခါးပေါက်အ၀တ၀ိုက်နားကို အရင်ရှင်းပါ။

အများစုဟာ အိမ်အ၀င်ဝနားက စားပွဲ ဒါမှမဟုတ် ဧည့်ခန်းစားပွဲပေါ်မှာ အပြင်က ရောက်ရောက် ချင်းပါလာတဲ့ ပစ္စည်းတွေကို တင်ပြီး အမောဖြေအနားယူတတ်ကြတဲ့အတွက် အဲဒီနေရာတွေမှာ ပစ္စည်းတွေများပြားရှုပ်ပွနေတတ်ပါတယ်။ ဒါကို အမြဲရှင်းလင်းရမှာကို မလိုလားဘူးဆိုရင်တော့ အပြင်ကနေ ၀ယ်လာတဲ့၊ ပါလာတဲ့ပစ္စည်းတွေကို သင့်တော်ရာမှာ အရင်သွားထားပြီးမှ ဧည့်ခန်းထဲ အနားယူဖို့ ကိုယ်တိုင်ရော အိမ်သားတွေကိုပါ လေ့ကျင့်ပေးပါ။

(၂) ထမင်းဟင်း၊မုန့်တို့ စားပြီးတိုင်း ပန်းကန်တွေကို ဆေးပါ။

တစ်ခုခုစားပြီးတိုင်း ပန်းကန်ခွက်ယောက်တွေကို မပျက်မကွက်ဆေးကြောပေးခြင်းဟာ မီးဖိုချောင် ကိုနိုင်နိုင်နင်းနင်းထိန်းသိမ်းသွားနိုင်တဲ့ နည်းလမ်းတစ်ခုပါ။ ထမင်းဟင်းကို ပင်ပင်ပန်းပန်းချက်ပြီး ဗိုက်တင်းအောင်စားပြီးတဲ့အခါမျိုးမှာ ဒါကို ဘယ်သူမှ မလုပ်ချင်ကြပါဘူး။ ဒါပေမဲ့ နောက်နေ့ဆေး ဖို့ ချန်ထားလိုက်တာနဲ့ အနံ့အသက်လည်းမကောင်းတော့သလို မီးဖိုခန်းမှာလည်း ရှုပ်နေမှာပါပဲ။ အမှိုက်ပစ်တာကိုလည်း ဒီနည်းအတိုင်းပါပဲ။ ဒီညနေ၊ မနက်ဖြန် စသဖြင့် ရွှေ့ဆိုင်းမိတဲ့အခါ မီးဖိုချောင်သန့်ရှင်းရေးကို ထိခိုက်တော့တာပါပဲ။ ဒီတော့ မနက်တိုင်း သို့မဟုတ် ညနေတိုင်း အမှိုက်ပစ်သင့်ပါတယ်။

(၃) အ၀တ်တွေကို နည်းနည်းစီခွဲလျှော်ပါ။

အ၀တ်တွေကို အများကြီးစုပြီးမှ မလျှော်ပဲ တစ်နေ့ဝတ်တဲ့အ၀တ်ကို တစ်နေ့ပြီးအောင် လျှော်ပါ။ အ၀တ်ခြောက်တဲ့အခါ သိမ်းယူလာပြီး တစ်ခါတည်းခေါက်ပါ။ နောက်မှမီးပူတိုက်မယ်လို့ စုပြီးပုံ ထားခြင်းဟာ စိတ်ကိုလေးလံစေပြီး အ၀တ်တွေကိုလည်း ကြေမွသွားစေပါတယ်။ ဒါကြောင့် သေသေသပ်သပ်ခေါက်ကာ ဘီဒိုထဲထည့်ထားပြီး နောက်မှ အေးအေးဆေးဆေး မီးပူတိုက် သင့်ပါတယ်။

(၄) အိမ်သန့်ရှင်းရေးလုပ်နေချိန်မှာ သီချင်းဆိုပါ

အိမ်သန့်ရှင်းရေးလုပ်ရတာကို အရမ်းကိုနှစ်သက်ပျော်ရွှင်သူဆိုတာ ရှားပါလိမ့်မယ်။ အထူးသဖြင့် အလုပ်ကနေ ပင်ပင်ပန်းပန်းပြန်လာတဲ့အခါမျိုးမှာပေါ့။ ဒါပေမဲ့ “ပျော်လို့ သီချင်းဆိုတာမဟုတ်ပဲ ပျော်ဖို့သီချင်းဆိုပါ” ဆိုတဲ့စကားအတိုင်းပဲ ရွှင်ပျသွက်လက်စွာလုပ်နိုင်ဖို့ သီချင်းဆိုရင်း လုပ်ပါ။ ဒါမှမဟုတ် မြူးကြွကြွသီချင်းတွေကို ဖွင့်ထားပြီး နားထောင်လိုက်ဆိုရင်း လုပ်လိုက်တဲ့အခါ အချိန်ကုန်မှန်းတောင် မသိပဲ အလုပ်လည်းပြီးသွားပါလိမ့်မယ်။

(၅) အချိန်သတ်မှတ်ချက်တစ်ခု ထားပါ။

မိနစ် ၂၀ အတွင်းပြီးအောင် လုပ်နိုင်မဲ့ သန့်ရှင်းရေးအလုပ်ကို အရင်စဉ်းစားပါ။ ဥပမာ - မီးဖိုခန်းသန့်ရှင်းရေးကို တစ်ရက်၊ ဧည့်ခန်းသန့်ရှင်းရေးကို တစ်ရက်၊ ရေချိုးခန်းအိမ်သာ သန့်ရှင်းရေးကို တစ်ရက် စသဖြင့် ခွဲခြားသတ်မှတ်ထားပါက တစ်ရက်ကို မိနစ် ၂၀ ခန့်အချိန်ပေးရုံနဲ့ အမြဲသန့်ရှင်းတဲ့အိမ်ကို ပိုင်ဆိုင်နိုင်မှာပါ။ သန့်ရှင်းရေးလုပ်နေချိန်မှာ ဖုန်းလာလို့ကြာကြာပြောမိခြင်း၊ TV အစီအစဉ်ကောင်းလို့ကြည့်မိခြင်း စတဲ့အာရုံထွေပြားခြင်း ကိုလည်းရှောင်ရှားနိုင်ရပါမယ်။ မသပ်ရပ်တဲ့အိမ်ကို စိတ်ထဲမပျော်ရွှင်ဖြစ်နေတာထက် TV အစီအစဉ်ကို လက်လွှတ်သင့်တယ်မဟုတ်ပါလား။ လုပ်နေစဉ်အတွင်း မိနစ် ၂၀ မှာပြီးအောင် လုပ်မယ်လို့ ဆုံးဖြတ်ကာ ဖုန်းနဲ့ Timer လုပ်ပြီး Alarm ပေးထားပါ။ Alarm မြည်ချိန်မှာ အမြန်အပြီးသတ်ပြီး စိတ်အေးချမ်းစွာ ရေမိုးချိုးအနားယူလို့ရပါပြီ။

အထက်ပါ နည်းလမ်းလေးတွေကို လုပ်ဖို့ အလှည့်ကျသန့်ရှင်းရေးကျတဲ့အခန်းတွေကို ဇယားဆွဲပြီးကပ်ထားတာ ပိုမိုထိရောက်စေပါတယ်။ ဒီတော့ ဒီညနေ အိမ်ပြန်ရောက်ရင် အ၀တ်အစားလဲ၊ ဆံပင်ကို အုပ်ပြီး သီချင်းကျယ်ကျယ်ဖွင့်ကာ မိနစ် ၂၀ လောက်သန့်ရှင်းရေး လုပ်လိုက်ကြရအောင်နော်။ ဒါဆို စနေ၊တနင်္ဂနွေလည်း စိတ်အေးလက်အေး လျှောက် လည်လို့ ရပြီပေါ့။

Credit : YangonLife

ဤစာဖတ်သူများအားလုံးပျော်ရွင်ချမ်းမြေ့ကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။

မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...
 
 
အသစ်တင်တိုင်း Email ပို့ပေးပါမည်။
သင်၏ Email ကို အောက်တွင် ဖြည့်စွက်၍ Submit လုပ်ပါ။
 
 
Top