iMyanmarHouse.com - Myanmar's No. 1 Property Website
×

အိမ်တွင်းစိုက် အပင်တွေဟာ လေထုကို သန့်စင်ပေးပြီး အောက်ဆီ ဂျင်ပြန်ထုတ်ပေးတဲ့အတွက် လူသားအကျိုးပြုပေးကြပါတယ်။ စိတ်ကို လန်းဆန်းပေါ့ပါးစေပြီး ကောင်းကောင်းအိပ်ပျော်စေဖို့ ကူညီပေးနိုင်တဲ့ အပင်လေးတွေရှိတာကြောင့် သိထားဖို့ ဖော်ပြပေး လိုက်ပါတယ်။

စံပယ်ပင်
စံပယ်ပန်းရနံ့သင်းသင်းလေးဟာ သဘာဝအိပ်ဆေးလေးတစ်ခုပါတဲ့။ ပန်းလေးတွေ ပွင့်နေတဲ့ စံပယ်ပင်လေးကို အိပ်ခန်းထဲထားခြင်းဖြင့် စိတ်ဖိစီးမှုတွေကို သက်သာစေပြီး နိုးထလာတဲ့အခါမှာလည်း လန်းဆန်း တက်ကြွစေတယ်လို့ ဆိုပါတယ်။

လာဗင်ဒါပင်
ဆပ်ပြာတုံး၊ ဆပ်ပြာရည်၊ ခေါင်းလျှော်ရည်နဲ့ ရေမွှေးအိတ်လေးတွေ အများဆုံးထုတ်လုပ်လေ့ရှိတဲ့ လာဗင်ဒါပင်ဟာ အိပ်မပျော်ရောဂါတွေနဲ့ စိုးရိမ်ကြောင့်ကြ၊ ပူပန်မှုတွေကို သက်သာစေတယ်လို့ ဆိုပါတယ်။

ဇီဇဝါပင်
ဇီဇဝါပန်းရဲ့ ရနံ့သင်းသင်းလေးက စိတ်အေးချမ်းစေတာကြောင့် ဇီဇဝါပင်လေးတွေကို လည်း အိပ်ခန်းထဲမှာထားပေးသင့်တယ်လို့ သိရပါတယ်။

ရှားစောင်းလက်ပပ်ပင်
ရောင်ရမ်းနာတွေ၊ အမာ ရွတ်နဲ့ အပူလောင်တာတွေကို အ ကောင်းဆုံးကုသနိုင်တဲ့ သဘာဝ ဆေးပင်ရှားစောင်းလက်ပပ်ဟာ လေထုထဲက မမြင်နိုင်တဲ့ ဓာတု ပစ္စည်းတွေကို ဖယ်ရှားသန့်စင် ပေးတာကြောင့် အိပ်ခန်းတွေနဲ့ အိမ်အတွင်းပိုင်းမှာ ထားပေးသင့် ပါတယ်။ အိမ်ထဲမှာ ဓာတုပစ္စည်းတွေ ဘယ်လောက်ပျံ့လွင့်နေ သလဲဆိုတာကို အပင်ပေါ်မှာ ပေါ်လာတဲ့အညိုရောင် အစက်အ ပြောက်တွေကိုကြည့်ရင် သိနိုင်ပါ သတဲ့။

အင်္ဂလိပ်တိုက်ကပ်နွယ်ပင်
စိုက်ပျိုးရလွယ်ကူတဲ့ လေ ထုသန့်စင်အပင်လေးဖြစ်ပြီး အိပ် ခန်းထဲမှာထားပေးတဲ့အခါ စိတ် အေးချမ်းပြီး ကောင်းကောင်းအိပ် ပျော်စေပါတယ်။

Credit : 7day Daily

ဤစာဖတ်သူများအားလုံးပျော်ရွင်ချမ်းမြေ့ကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။

မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...
 
 
အသစ်တင်တိုင်း Email ပို့ပေးပါမည်။
သင်၏ Email ကို အောက်တွင် ဖြည့်စွက်၍ Submit လုပ်ပါ။
 
 
Top