iMyanmarHouse.com - Best Property Website for Myanmar
×

လူတစ်ယောက်ရဲ့ ခန္ဓာကိုယ်ပေါ်မှာ တစ်သက်လုံးစွဲထင်ကျန်ရစ်နေမယ့် တက်တူးထိုးတော့မယ်ဆိုရင် မထိုးခင် သေချာစဉ်းစားသင့်တဲ့ အပိုင်းတွေ ရှိနေပါတယ်။ အဲ့ဒီလိုစဉ်းစားရမယ့် အပိုင်းတွေထဲကမှ သင်ဟာ ဒီလိုအခြေအနေမျိုး ရင်ဆိုင်နေရတယ်၊ ဒီလိုအကြောင်းအရာတွေ ဖြစ်နေတယ်ဆိုရင် တက်တူးလုံးဝမထိုးသင့်ပါဘူး။ ဒါ့ကြောင့် တက်တူးမထိုးသေးပဲ စောင့်ဆိုင်းသင့်သေးတဲ့ အကြောင်းအရင်းတွေကို ခုလို ဖော်ပြပေးလိုက်ပါတယ်။

၁။တက်တူးဆရာအကြောင်းမသိပဲ၊ သူဘာပုံတွေ ထိုးတာတော်မှန်းမသိပဲ ထိုးဖို့ဆုံးဖြတ်မိတာဆိုရင်
သင်ဟာ ခုမှ လက်တည့်စမ်းနေုတုန်း တက်တူးဆရာဆီကိုသွားပြီး ဈေးသက်သက်သာသာနဲ့ ပေါချောင်ကောင်း ပုံလေး ထိုးလိုက်မယ်ဆိုရင် ထွက်လာတဲ့ပုံကို စိတ်ကျေနပ်မှုရှိမှာ မဟုတ်တာ ၇၀ရာခိုင်နှုန်းပါ။ ဒါ့ကြောင့် တက်တူးထိုးတော့မယ်ဆို ကိုယ်ထိုးမယ့် တက်တူးဆရာအကြောင်း သိအောင် ကြိုးစားသင့်သလို၊ သူက ဘယ်အပိုင်းကို ကျွမ်းကျင်သလဲ၊ ဘယ်အပိုင်းတွေထိုးတာ တော်သလဲဆိုတာတွေကိုပါ သေချာလေ့လာသင့်ပါတယ်။ တက်တူးဆိုင် ဆိုတဲ့ ဆိုင်းဘုတ်မြင်တိုင်း ၀င်ပြီး ထိုးလိုက်တာမျိုးလုံးဝ မလုပ်ပါနဲ့။

၂။မူးယစ်ဆေးဝါးသုံးထားတာကြောင့် အလောသုံးဆယ် ထိုးဖို့ ဆုံးဖြတ်လိုက်တာမျိုးဆိုရင်
အရက်တွေမူးနေတဲ့အချိန် တွေ့ကရာတက်တူးကောက်ထိုးလိုက်တာမျိုးဟာ ကောင်းမွန်တဲ့ အဖြေတစ်ခုတော့ မဟုတ်ပါဘူး။ အမူးပြေတဲ့အချိန်ကျမှ သင့်ခန္ဓာကိုယ်ပေါ် နေရာယူထားပြီးဖြစ်တဲ့ တက်တူးကို မြင်တွေ့လိုက်မယ်ဆိုရင် သင်လည်း ရှော့ခ်ဖြစ်သွားနိုင်သလို ထိုးထားတဲ့ တက်တူးက သင်ကြိုက်နှစ်သက်တဲ့ ပုံ ဖြစ်ချင်မှ ဖြစ်ပါလိမ့်မယ်။

၃။ကျန်းမာရေးမကောင်းတဲ့အတွက် ဆေးကုသမှုခံယူနေချိန်အတွင်း ဆုံးဖြတ်တာမျိုးဆိုရင်
တက်တူးထိုးတော့မယ်ဆိုရင် သင့်ကျန်းမာရေးအခြေအနေကိုလည်း လျစ်လျူရှုထားလို့ မရပါဘူး။ သင်ဟာ ဆေးကုသမှုခံယူနေရတဲ့သူတစ်ယောက်ဆိုရင် တက်တူးကို ကောက်ထိုးဖို့ ဘယ်လိုမှ မဖြစ်နိုင်ပါဘူး။ နှလုံးရောဂါရှိသူတစ်ယောက်ဆိုရင် ပိုလို့တောင် သတိထားသင့်ပါတယ်။

၎။ ကိုယ်နဲ့လက်ရှိချစ်ကြိုက်နေသူရဲ့ နာမည်ကို တက်တူးထိုးတော့မယ်ဆိုရင်
အချစ်ရေးဆိုတာ ဘာမှကြိုဟောကိန်းထုတ်လို့ ရတဲ့အရာ မဟုတ်ပါဘူး။ ဒီတော့ ကိုယ်နဲ့ခုလက်ရှိချစ်ကြိုက်နေတဲ့ ချစ်သူနာမည်ကို ထိုးပြီးကာမှ ပြတ်သွားတာတို့ ဘာတို့ကြုံလာရမယ်ဆိုရင် ဒီနာမည်ကို ဘယ်လိုပြန် cover up လုပ်မလဲဆိုပြီး ခေါင်းရှုပ်ရပါဦးမယ်။ မဟုတ်လို့ သင့်ရဲ့နောက်ထပ် တွေ့လာမယ့် ချစ်သူက လုံးဝဖျက်ခိုင်းတာမျိုး ဘာမျိုး ရှိလာရင်လည်း လေဆာပစ်တာတွေဘာတွေနဲ့ အလုပ်ရှုပ် အသားနာရပါဦးမယ်။

၅။ခုလက်ရှိသဘောကျနေပေမယ့် နောက်ပိုင်း မကြိုက်တော့ရင် ဖျက်လိုက်မယ်ဆိုပြီး ထိုးမယ.့် တက်တူးဆိုရင်
သင်ဟာ ခုလက်ရှိ ထိုးမယ့်ပုံကို ပြီးပြီးရော အမြန်ရွေးချယ်ပြီး ထိုးတာမျိုး ဘယ်တော့မှ မလုပ်သင့်ပါဘူး။ အဲ့ဒီလို ခုတော့ သဘောကျတယ်၊ နောက်ပိုင်း မကြိုက်တော့လည်း cover up လုပ်လိုက်မယ်၊ လေဆာနဲ့ ဖျက်လိုက်မယ်ဆိုပြီး ပြီးပြီးရော လုပ်တတ်တဲ့ လူတွေမှာ အိမ်ထောင်ရေးမှာလည်း ခု လက်ထပ်လိုက်မယ်၊ အဆင်မပြေတော့လည်းကွဲလိုက်တာပေါ့ ဆိုတဲ့ အလွယ်လုပ်တဲ့ လူစားမျိုးတွေမို့ ကိုယ့်ဘသာကိုယ် မကျိန်းသေရင် မထိုးသေးတာ အကောင်းဆုံးပါ။

၆။လောင်းကြေးစားကြေးနဲ့ ထိုးတာမျိုး၊ နောက် တစ်ယောက်ယောက်က အတင်းထိုးခိုင်းလို့ ထိုးတာမျိုးဆိုရင်
သင်ဟာ ကိုယ်တကယ် ထိုးချင်တဲ့ တက်တူးမျိုး မဟုတ်ပဲ သူငယ်ချင်း၊ မိတ်ဆွေတွေနဲ့ လောင်းကြေးစားကြေး ရှုံးသွားလို့ ထိုးရတာမျိုးဆိုရင် ဒါကို လုံးဝလက်မခံသင့်ပါဘူး။ နောက်တစ်ခုက သူများက အတင်းတိုက်တွန်းလို့ ကိုယ်လည်း မကြိုက်ပဲ ထိုးရတဲ့ အခြေအနေမျိုးဆိုရင်လည်း ဒါကိုရအောင် ငြင်းဖို့ လိုအပ်ပါတယ်။

၇။သင်ထိုးချင်တဲ့ ပုံရဲ့အဓိပ္ပါယ်ကို သေချာမသိပဲ၊ ထိုးမယ့် ဘာသာစကားရဲ့ အဓိပ္ပါယ်ကို သေချာမသိပဲ ထိုးဖို့ရွေးထားတာမျိုးဆိုရင်
ကိုယ့်ဘာသာစကားမဟုတ်တဲ့ အခြားသော ဘာသာတစ်ခုခုကို ထိုးတော့မယ်ဆို အဓိပ္ပါယ်ဘယ်လိုရှိတာဆိုတာ သေချာပိုင်နိုင်စွာ ရှာဖို့၊ သိဖို့ လိုပါတယ်။ မဟုတ်ရင် ဒါဟာ အရှက်ရစရာ ကိစ္စရပ်ကြီးပါ။

၈။ကိုယ့်ထိုးမယ့် ပုံဒီဇိုင်း၊ စာလုံးဒီဇိုင်းကို စိတ်တိုင်းမကျသေးဘူးဆိုရင်
တစ်ခါတစ်လေ ထိုးဖို့ရက်ချိန်းက ကပ်နေပေမယ့် သင်သဘောကျတဲ့ စာလုံးဒီဇိုင်းမျိုး၊ ပုံမျိုး မရသေးဘူး၊ သင်ကိုယ်တိုင်လည်း စိတ်က အမျိုးမျိုးပြောင်းနေတယ်ဆိုရင် ဒိတ်ကို ရွှေ့လိုက်တာ ကောင်းပါတယ်။ ကိုယ်တကယ်လည်း သဘောမကျတဲ့ပုံမျိုးကို မျက်စိမှိတ်ပြီး မထိုးပါနဲ့။

၉။သင့်မှာ တက်တူးအတွက် လုံလောက်တဲ့ငွေပမာဏ မရှိသေးဘူးဆိုရင်
တစ်ခါတစ်လေ ကိုယ်ထိုးချင်တဲ့ တက်တူးပုံအတွက် ပိုက်ဆံမရှိသေးလို့၊ ရှိသလောက်နဲ့ ဈေးချိုတဲ့ တက်တူးဆရာဆီသွားလိုက်တာမျိုး၊ မဟုတ်လည်း ပုံကို ဆိုက်သေးပြီး၊ ဒီဇိုင်းပြောင်းထိုးလိုက်တာမျိုးတွေ မလုပ်မိဖို့ကလည်း အရေးကြီးပါတယ်။ ပိုက်ဆံမလုံလောက်သေးရင် လုံလောက်တဲ့အထိ စုလိုက်ပါ။ အဲ့ဒီလိုမဟုတ်ပဲ ပြီးပြီးရော ထိုးလိုက်တာမျိုးတော့ မလုပ်စေချင်ပါဘူး။

၁၀။တက်တူးထိုးဖို့ ခွင့်ပြုထားတဲ့အရွယ် မရောက်သေးဘူးဆိုရင်
သင်ဟာ အသက် ၁၈နှစ်မပြည့်သေးပဲ တက်တူးဆိုင် ကိုယ့်စိတ်ကူးနဲ့သွားပြီး ထိုးလိုက်မယ်ဆိုရင် သင့်ထိုးမယ့်တက်တူးပုံနဲ့ ပတ်သက်ပြီး အကြံပေးနိုင်တဲ့သူလည်း နည်းပါးပါလိမ့်မယ်။ ကျန်းမာရေးဆိုင်ရာဘက်ကိုလည်း လျစ်လျူရှုရာကျပါတယ်။ ဒီအချက်တွေက သင့်အတွက် အထူးစဉ်းစားရမယ့် အချက်ပါပဲ။

Credit : Trend Myanmar

ဤစာဖတ်သူများအားလုံးကျန်းမာချမ်းသာကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။

မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...

 
 
အသစ်တင်တိုင်း Email ပို့ပေးပါမည်။
သင်၏ Email ကို အောက်တွင် ဖြည့်စွက်၍ Submit လုပ်ပါ။
 
 
Top