iMyanmarHouse.com - Best Property Website for Myanmar
×

ချစ်သူနှစ်ဦးမှာ ချစ်တဲ့စိတ်က အရေးအကြီးဆုံးပါ။ အဲ့ဒီ့လိုမှမဟုတ်ဘဲ သင့်ရဲ့ငွေကြေးပကာသနပေါ်မှာ သင့်ကိုချစ်ခဲ့တာဆိုရင်တော့ ရင်နာစရာပါပဲ။ ဒါဆိုရင် ကိုယ့်ချစ်သူက ငွေမက်တဲ့ချစ်သူမှန်း ဘယ်လိုသိနိုင်မလဲဆိုတာ ခန့်မှန်းလေ့လာကြည့်ရအောင်ပါ။

၁။ တန်ဖိုးကြီးလက်ဆောင်တွေပဲမျှော်လင့်နေတယ်

လက်ဆောင်ရဲ့အဓိပ္ပါယ်ထက် ဈေးနှုန်းကိုပဲဂရုစိုက်နေတယ်။ ကိုယ်က ကဗျာဆန်ချင်လို့ပေးတဲ့လက်ဆောင်ဟာ ဈေးကြီးကြီး တန်ဖိုးမြင့်မြင့်မဟုတ်ရင် မျက်နှာမကောင်းတော့ဘူး။

၂။ ငွေမက်သူတွေနဲ့ အပေါင်းအသင်း

တံငါနားနီးတံငါ၊ မုဆိုးနားနီးမုဆိုးပေါ့။ သူ့သူငယ်ချင်းတွေက သိသိသာသာရော၊ မသိမသာပါ ငွေမက်တဲ့သူတွေ၊ ပကာသနမက်တဲ့သူတွေဖြစ်နေမယ်။

၃။ သင့်ငွေရေးကြေးရေးကို အမြဲစိတ်ဝင်စားနေတယ်

စချိန်းတွေ့တာနဲ့တင် သင်ဘာလုပ်လဲ၊ ဘယ်လောက်ဝင်ငွေနဲ့ဘယ်လိုသုံးစွဲနေလဲဆိုတာကို စိတ်ဝင်တစားရှိနေတယ်။ နောက်ပြီး သင်ဘာတွေဘယ်လိုသုံးနေလဲ၊ ဘာတွေဘယ်လိုသုံးဖို့ရှိလဲဆိုတာလည်း အမြဲသိချင်နေတယ်။

၎။ သူ့ဖက်က ဘယ်တော့မှထုတ်မရှင်းဘူး

များသောအားဖြင့် ချစ်သူတွေမှာ ယောက်ျားလေးတွေက သွားလာစားသောက်တာတွေ အမြဲထုတ်ရှင်းလေ့ရှိတယ်ဆိုပေမယ့် သူ့နေရာနဲ့သူ နားလည်မှုဆိုတာလည်းရှိပါသေးတယ်။ ယောက်ျားလေးပဲဖြစ်ဖြစ်၊ မိန်းကလေးပဲဖြစ်ဖြစ် နှစ်ဦးသဘောတူချစ်ကြိုက်ခဲ့ကြတဲ့နောက်မှာ သူကတော့ ဘယ်တော့မှ ရှင်းဖို့သုံးဖို့စိတ်ကူးမရှိတာမျိုးကတော့ မဖြစ်သင့်ပါဘူး။

၅။ သူလိုချင်တဲ့ဘ၀မျိုးအတွက် သူ့ဘာသာလည်းမတတ်နိုင်ဘူး

သူဖြစ်ချင်တာ၊ လုပ်ချင်တာ၊ လိုချင်တာတွေအတွက်လည်း သူ့ဘာသာမတတ်နိုင်ဘူးဖြစ်နေပါမယ်။ သူစားချင်တဲ့ဆိုင်မှကိုယ်ကလိုက်မကျွေးနိုင်တာတို့၊ သူသွားချင်တဲ့နေရာကိုသွားချင်တဲ့အချိန်တိုင်းလိုက်မပို့ပေးနိုင်တာတို့ကိုလည်း လုံးဝသည်းညည်းမခံပါဘူး။

၆။ သင့်ကိုပေါက်ကွဲမယ်

သင်ငြင်းဆန်သမျှအရာတွေ၊ မလုပ်ပေးနိုင်တာတွေကို သူလုံးဝမကျေနပ်တဲ့နောက်မှာ ပေါက်ကွဲလာပါမယ်။ လွယ်လွယ်အော်ဟစ်တာတွေ၊ ငိုယိုတာတွေရှိလာနိုင်ပါတယ်။ သင်ကသူသွားချင်တဲ့ဈေးကြီးကြီးနေရာကို လိုက်မပို့ရင်တောင် တန်ဖိုးကြီးကြီးလက်ဆောင်ပေးချော့မှ အဆင်ပြေမယ့်အထာပါ။

၇။ လူတွေကြားမှာထင်ပေါ်ချင်တယ်

ငွေတွေ ပကာသနတွေမက်တဲ့သူက လူတွေကြားမှာသူတို့ကိုယ်သူတို့ ဆယ်လီဆန်ဆန်နေရမှ သဘောကျတာပါ။ ပွဲကြီးကြီးတွေတက်ချင်တယ်၊ အကောင်းစားတွေကို လူမြင်အောင်ထည်လဲကိုင်ပြချင်နေပါမယ်။

Credit: Duwun

ဤစာဖတ်သူများအားလုံးကျန်းမာချမ်းသာကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။

မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...
 
 
အသစ်တင်တိုင်း Email ပို့ပေးပါမည်။
သင်၏ Email ကို အောက်တွင် ဖြည့်စွက်၍ Submit လုပ်ပါ။
 
 
Top