iMyanmarHouse.com - Myanmar's No. 1 Property Website
×

သင့်ရဲ့နေ့စဉ်လှုပ်ရှားမှုတွေက သင့်ဘဝကို အဓိပ္ပါယ်ဖော်ဆောင်နေပါတယ်။ သင့်ရဲ့လုပ်ဆောင်ချက်တွေကပဲ သင်ဘယ်လိုလူမျိုးလဲဆိုတာကို ပုံဖော်နေတာဖြစ်ပါတယ်။ သင်ဘယ်လိုပဲကြိုးစားပါစေ၊ ကျဆုံးမှုဆိုတာကို ကြုံတွေ့လာရတတ်ပါတယ်။ ဒီလိုကျဆုံးမှုနဲ့ ကြုံတွေ့ရတဲ့အခါမှာ လက်လျှော့အရှုံးပေးလိုက်ဖို့ မတွေးပါနဲ့။ အခက်အခဲဆိုတာ အမြဲတမ်းရှိတတ်ပါတယ်။ ဒါပေမယ့် လူတိုင်းက ကျရှုံးမှာကို စိုးရိမ်တတ်ကြပါတယ်။ တကယ်တော့ အရှုံးတွေကို နည်းလမ်းမှန်နဲ့ တုံ့ပြန်တတ်မယ်ဆိုရင် ထူးခြားမှုတွေကို ရရှိနိုင်ပါတယ်။ ဒါ့ကြောင့် ကျရှုံးမှုတွေနဲ့ ကြုံတွေ့ရစေနိုင်တဲ့ အမူအကျင့်တွေနဲ့ ဒီအကျင့်တွေကို ဘယ်လိုပြင်ဆင်နိုင်မလဲဆိုတာကို ဖော်ပြလိုက်ပါတယ်။

၁။ အစီအစဉ်မရှိခြင်း
သင်လိုချင်တဲ့အောင်မြင်မှုတစ်ခုအတွက် အစီအစဉ်တစ်ခု ရှိဖို့လိုပါတယ်။ ဘ၀အောင်မြင်ရေးအစီအစဉ်တစ်ခုက လုံးဝပြီးပြည့်စုံနေဖို့ မလိုပါဘူး။ လောကကြီးမှာ ပြီးပြည့်စုံတဲ့လူတွေထက် အလုပ်ပြီးအောင်လုပ်နိုင်သူတွေက အကျိုးထူးတွေ ခံစားကြရတာ ပိုများပါတယ်။ သင့်အနေနဲ့ လိုချင်တဲ့အရာကို သေချာစဉ်းစားပြီး ကျိန်းသေပေါက် ရရှိဖို့ ဘာလုပ်မယ်ဆိုတာကို အစီအစဉ်ချမှတ်ထားရမှာ ဖြစ်ပါတယ်။ သင့်အရဲ့ အစီအစဉ်တွေက တိကျသေချာပြီး၊ တိုင်းတာနိုင်စွမ်းရှိဖို့ လိုပါတယ်။ ဒါ့အပြင် အချိန်သတ်မှတ်ချက်လည်း ရှိနေပါစေ။ မသေချာမရေရာတဲ့ အစီအစဉ်မဖြစ်ပါစေနဲ့။

၂။ ကြိုးစားကြည့်ဖို့ စိုးရွံ့ခြင်း
မိုင်ထောင်ချီဝေးတဲ့ခရီးကို ခြေတစ်လှမ်းနဲ့ စတင်ရတာဖြစ်ပါတယ်။ သင့်အနေနဲ့ ပထမဆုံးခြေတစ်လှမ်းတောင်မှ မလှမ်းရဲဘူးဆိုရင် တိုးတက်အောင်မြင်ဖို့ မဖြစ်နိုင်ပါဘူး။ ရှုံးနိမ့်မှာစိုးရိမ်တဲ့စိတ်ကို ကျော်ဖြတ်ရတာက အောင်မြင်မှုဆီသို့ ပထမဆုံးခြေလှမ်းဖြစ်ပါတယ်။ သင့်ရဲ့ စိုးရိမ်စိတ်တွေကို ဒီနေ့ပဲ ရင်ဆိုင်လိုက်ပါ။ ပြီးရင် သင်လုပ်ဆောင်ရမယ့် အရာတွေထဲက အခြေခံအကျဆုံးတစ်ခုကိုပဲဖြစ်ဖြစ် လုပ်လိုက်ပါ။ သင်ရရှိပိုင်ဆိုင်ချင်တဲ့ စိတ်ကူးအိပ်မက်ကို အမြဲအမှတ်ရပါ။ နည်းနည်းမှ မကြိုးစားကြည့်ပဲ လက်မလျှော့လိုက်ပါနဲ့။

၃။ အလွယ်တကူ လက်လျှော့အရှုံးပေးခြင်း
သင့်ရဲ့ အိပ်မက်၊ ရည်မှန်းချက်တွေ အထမြောက်အောင်မြင်ဖို့အတွက် ဘယ်လောက်ထိ ဇွဲကောင်းနိုင်ပါသလဲ။ အောင်မြင်မှုရဲ့ အရေးအကြီးဆုံးလျို့ဝှက်ချက်တွေထဲက တစ်ခုက သင့်ရဲ့သံသယတွေကို အနိုင်ယူတတ်အောင် သင်ယူဖို့ပဲဖြစ်ပါတယ်။ ကျွန်တော်တို့အများစုက စိတ်အားထက်သန်မှုကို အလွယ်တကူ စွန့်လွှတ်လိုက်တတ် ကြပါတယ်။ ဒီနေ့ခေတ်မှာ အောင်မြင်နေသူတိုင်းမှာ အခက်အခဲတွေကို ရင်ဆိုင်ကျော်ဖြတ်ခဲ့ရတဲ့ ဇွဲသတ္တိနဲ့ ပတ်သက်ပြီး ပြောစရာအကြောင်းအရာတစ်ခုတော့ ရှိနေတတ်ပါတယ်။ ဥပမာပေးရမယ်ဆိုရင် အမေရိကန်သမ္မတ အေဗရာဟင်လင်ကွန်းက အထင်ရှားဆုံးပါပဲ။ လင်ကွန်းဟာ ကျရှုံးမှုပေါင်းများစွာကို ကျော်ဖြတ်လာပြီး အသက်(၅၂)နှစ်မှာမှ အမေရိကန်သမ္မတအဖြစ် ရွေးချယ်တင်မြှောက်ခြင်း ခံခဲ့ရတာဖြစ်ပါတယ်။ သူ့အနေနဲ့ လက်လျှော့အရှုံးပေးသွားချင်လောက်အောင် ကျရှုံးမှုတွေနဲ့ ရင်ဆိုင်ခဲ့ရပေမယ့် အလွယ်တကူ အရှုံးမပေးခဲ့သူတစ်ဦးဖြစ်ပါတယ်။

၎။ ယုံကြည်မှုကင်းမဲ့ခြင်း
ယုံကြည်မှုမရှိရင် အလွယ်တကူ အရှုံးပေးသွားတတ်ပါတယ်။ သင့်ရဲ့ အိမ်မက်တွေ၊ ရည်မှန်းချက်တွေကို အထမြောက်အောင်မြင်အောင် စွမ်းဆောင်နိုင်မယ်လို့ ယုံကြည်မှုမရှိဘူးဆိုရင် သင်လုပ်သမျှအားလုံးက အချည်းနှီးဖြစ်မှာ သေချာပါတယ်။ သင့်ရဲ့ယုံကြည်မှုက အလုပ်ပေါ်မှာ သက်ရောက်မှုရှိပါတယ်။ လက်ရှိမှာ သိသာထင်ရှားတဲ့ အောင်မြင်မှုမျိုးမရသေးဘူးဆိုရင် ယုံကြည်ချက်အပြည့်နဲ့ ရှေ့ဆက်ကြိုးစားရမှာပါ။ သင့်ရဲ့ တိုးတက်အောင်မြင်မှုက ကျရှုံးမှုတွေကို ရင်ဆိုင်ကျော်ဖြတ်နိုင်မှုပေါ်မှာ မူတည်နေတာကြောင့် ဖြစ်ပါတယ်။

၅။ ဆင်ခြေပေးခြင်း
လူတိုင်းမှာ မအောင်မြင်တဲ့ကိစ္စတွေအတွက် ဆင်ခြေတစ်ခု အမြဲရှိတတ်ပါတယ်။ လူတွေက သူတို့ မစွမ်းဆောင်နိုင်တဲ့ အရာတစ်ခုအတွက် ဘာကြောင့် မလုပ်နိုင်တာ၊ မလုပ်သင့်တာ၊ မလုပ်ခဲ့တာ စသဖြင့် အမြဲတမ်း ဆင်ခြေပေး ရှင်းပြလေ့ရှိကြပါတယ်။ တကယ်တော့ ဆင်ခြေပေးတယ်ဆိုတာက ထိန်းချုပ်နိုင်စွမ်းကင်းမဲ့ရာ ရောက်ပါတယ်။ စဉ်းစားကြည့်ပါ။ သင့်ရဲ့လုပ်ဆောင်ချက်နဲ့ ဆုံးဖြတ်ချက်တွေကို အပြည့်အဝထိန်းချုပ်နိုင်စွမ်းရှိမယ်ဆိုရင် ဆင်ခြေပေးစရာ အကြောင်းမရှိပါဘူး။ လူတွေက ဘာမှန်းမသိတဲ့အခါမှာ၊ ပြောင်းလဲရမှာနဲ့ အငြင်းပယ်ခံရမှာတွေကို ကြောက်ရွံ့မှုတွေကြောင့် ဆင်ခြေပေးကြတာဖြစ်ပါတယ်။ ဒီလို စိုးရိမ်ထိတ်လန့်မှုတွေကြောင့် လက်ရှိအခြေအနေမှာပဲ ပိတ်မိနေပြီး ထူးထူးခြားခြား တိုးတက်အောင်မြင်မှုတွေနဲ့ အလှမ်းဝေးနေမှာပဲ ဖြစ်ပါတယ်။ ဒါ့ကြောင့် သင့်ရဲ့ ယုံကြည်မှုကို ပျက်ယွင်းစေမယ့် ဆင်ခြေပေးတတ်တဲ့ အမှုအကျင့်ကို ဖျောက်ဖျက်ပစ်လိုက်ပါ။
 
 
အသစ်တင်တိုင်း Email ပို့ပေးပါမည်။
သင်၏ Email ကို အောက်တွင် ဖြည့်စွက်၍ Submit လုပ်ပါ။
 
 
Top