iMyanmarHouse.com - Myanmar's No. 1 Property Website
×

ရေချိုးခြင်းဟာ တစ်ကိုယ်ရေသန့်ရှင်းဖို့နဲ့ အသားအရေအတွက် ကောင်းတယ်ဆိုပေမယ့် နည်းလမ်းအမှားတွေနဲ့ ရေချိုးမိတဲ့အခါမှာတော့ အကျိုးရလာဒ်မကောင်းနိုင်ပါဘူး။ ဒီတော့ ရေချိုးတဲ့အခါ ဘယ်လိုအချက်မျိုးတွေကို သတိထားသင့်သလဲဆိုတာ ပြောပြပေးချင်ပါတယ်။

၁။ရေအကြာကြီး ချိုးတာမျိုး

တစ်ခါတစ်လေ ရေချိုးခန်းထဲမှာ စိတ်ကြိုက် ရေအကြာကြီး ချိုးမိလိုက်တာမျိုးတွေ ရှိပါတယ်။ ဆယ်မိနစ်ထက်ကြာအောင် ရေချိုးလိုက်မယ်ဆိုရင် သင့်အရေပြားရဲ့ သဘာဝ အလျှောက်ဖြစ်ပေါ်နေတဲ့ အဆီတွေ ခမ်းကုန်ပါလိမ့်မယ်။ ရေနွေးနဲ့ ချိုးတာမျိုးဆိုရင် ပိုဆိုးပါသေးတယ်။ အစက်အပြောက်တွေ ဖြစ်နိုင်တာမို့ ဆယ်မိနစ်ထက် ပိုကြာအောင် ရေမချိုးဖို့ ပြောချင်ပါတယ်။

၂။မျက်နှာသုတ်ပုဝါနဲ့ ကြမ်းတမ်းစွာ ပွတ်မိတာမျိုး

ရေချိုးခန်းက ကိုယ်တိုက်ဘရက်ရှ်၊ ပုဝါ စတာတွေနဲ့ အရေပြားကို  ကြမ်းကြမ်းတမ်းတမ်း ပွတ်တာမျိုးတွေလည်း မလုပ်သင့်ပါဘူး။ တော်သင့်သလောက်သာ သန့်ရှင်းရေးလုပ်ပါ။ ရေချိုးပြီးသွားတဲ့အခါမှာလည်း ကိုယ်သုတ်ပုဝါနဲ့ ရေစင်အောင် သုတ်ပြီးတာနဲ့ moisturizer တန်းလိမ်းပေးဖို့ လိုပါတယ်။

၃။အရေပြားအတွက် အနံ့သင်းလွန်းတဲ့ ဆပ်ပြာနဲ့ Scrub တွေကို ရှောင်ပါ။

အနံ့မွှေးကြိုင်လွန်းတဲ့ ဆပ်ပြာတွေ၊ ရေချိုးဆပ်ပြာတွေမှာ ဓာတုပစ္စည်းတွေ လိုတာထက်ပို ပါဝင်နေတတ်ပါတယ်။ ဒါဟာ sensitive ဖြစ်တတ်တဲ့ အရေပြား ပိုင်ရှင်တွေ လုံးဝရှောင်သင့်တဲ့အရာပါ။ ဒီလိုပဲ ချေးချွတ်မယ်ဆိုရင်လည်း အသားကို စားသွားမယ့်၊ ဓာတုဗေဒပစ္စည်းတွေ အများကြီးသုံးထားတဲ့ အမှတ်တံဆိပ်တွေကို ရှောင်ဖို့ အကြံပေးချင်ပါတယ်။

၎။ခေါင်းနေ့တိုင်းလျှော်တာမျိုး မလုပ်သင့်ပါဘူး။

နေ့တိုင်းခေါင်းလျှော်တာမျိုး၊ အထူးသဖြင့် ရေနွေးနဲ့ ခေါင်းလျှော်တာမျိုးတွေဟာ ဆံသားခြောက်သွေ့စေပြီး၊ ဆံပင်ကာလာကိုလည်း အရောင်ပြောင်းသွားစေနိုင်ပါတယ်။ ဆံပင်သားအတွက် နေ့တိုင်းခေါင်းလျှော်တာမျိုး မလုပ်သင့်ပါဘူး။ မဖြစ်မနေ လျှော်ရမယ်ဆိုရင်တောင် သင့်အနေနဲ့ ဆံပင်ပျော့ဆေးကို မဖြစ်မနေ သုံးပေးဖို့ လိုပါတယ်။

Credit: Trend Myanmar

ဤစာဖတ်သူများအားလုံးကျန်းမာချမ်းသာကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။

မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...

 
 
အသစ်တင်တိုင်း Email ပို့ပေးပါမည်။
သင်၏ Email ကို အောက်တွင် ဖြည့်စွက်၍ Submit လုပ်ပါ။
 
 
Top