၁။အချိန်ကြာလာတာနဲ့အမျှ ရင်ခုန်စရာကောင်းနိုင်မှာ မဟုတ်တော့ပါဘူး။
တစ်ယောက်နဲ့တစ်ယောက် ချစ်တာ ဟုတ်မှဟုတ်ရဲ့လားလို့ မကြာခဏတွေးမိလာနိုင်ပါတယ်။ မသေချာမှုတွေ များလာလေလေ ရင်ခုန်စရာ မကောင်းတော့လေလေပါပဲ။ ဒီအချက်က အချိန်နည်းနည်းကြာလာတဲ့အခါမှ ခံစားမိနိုင်တာမျိုးမို့ ထည့်သွင်းစဉ်းစားရမယ့် အချက်ပါ။
၂။တစ်ယောက်နဲ့တစ်ယောက် ကြာလေချဉ်လေ ဖြစ်လာတတ်ပါတယ်။
နှစ်ယောက်တွဲကြည့်တော့မှ တစ်ယောက်ရဲ့အကျင့်တွေကို တစ်ယောက်သေချာသိလာပြီး မခံစားနိုင်တော့တာမျိုး ဖြစ်တတ်ပါတယ်။ ကိုယ့်ချစ်သူက ကိုယ့်ကို လေးစားအားကျတာမျိုး မဟုတ်ပဲ ပြစ်တင်ပြောဆိုနေတာချည်းပဲ ဆိုရင်တော့ နှစ်ဦးသားဆက်ဆံရေးဟာ ဘယ်လိုမှ ကောင်းတော့မှာ မဟုတ်ပါဘူး။
၃။ဒါဟာ အသည်းကွဲဖို့ အစလည်း ဖြစ်ကောင်းဖြစ်နိုင်ပါတယ်။
ဘုမသိ ဘမသိနဲ့ ရည်းစားတွေဖြစ်ပြီးမှ နှစ်ဦးသား ဘယ်လိုမှ အဆင်မပြေတော့တဲ့အခါ လမ်းခွဲတဲ့အထိ ဖြစ်ရရော။ ဒီတော့ အသည်းကွဲတာအပြင် ဘာများရှိဦးမှာလဲ။
၎။အလိမ်ခံရတာ၊ အညာခံရတာမျိုးတွေ ကြုံလာနိုင်ပါတယ်။
ကိုယ်တွဲမယ့်သူရဲ့ နောက်ကြောင်းရာဇ၀င်ကို သေချာမသိပဲ တွဲလိုက်မိရင် သူအရင်က ဘာတွေဖြစ်ခဲ့တယ်ဆိုတာမျိုးတွေ မသိနိုင်ပါဘူး။ အရင်ရည်းစားနဲ့ ပြတ်ခါစမို့ ကိုယ့်ကို ခဏတွဲတာမျိုးလားဆိုတာလည်း မသေချာပါဘူး။ ဒီလိုမျိုးတွေ ကြုံရတဲ့အခါ ဒါဟာ စိတ်ပျက်စရာအကောင်းဆုံး ဆက်ဆံရေးတစ်ခု ဖြစ်လာမှာပါ။
၅။ကိုယ်မြင်နေရတဲ့အရာတွေက အစစ်အမှန်ဖြစ်ဖို့ ခဲယဉ်းပါတယ်။
နှစ်ဦးသား နှစ်ယောက်စလုံး မရိုးမသားနဲ့ တွဲလိုက်မိပြီဆိုရင် နောက်ဆက်တွဲ တစ်ဦးနဲ့တစ်ဦး ပြောဆိုဆက်ဆံတဲ့အခါ ကွယ်ဝှက်မှုတွေ၊ လျှို့ဝှက်ချက်တွေ ရှိလာနိုင်ပါတယ်။
၆။ယုံကြည်မှုဆိုတာကို တည်ဆောက်နိုင်ဖို့ မလွယ်ကူနိုင်ပါဘူး။
အစပိုင်းကိုယ်က ပေါ့ပေါ့လေး သဘောထားပြီး တွဲလိုက်တယ်။ ဒါကိုသူကလည်း သူ့ကိုအလေးမထားဘူးဆိုတာ သိလာတယ်။ ကိုယ်က အချိန်ကြာလာရင် သံယောဇဉ်တိုးပြီး ချစ်သွားနိုင်မယ်ထင်လို့ တွဲပေမယ့် သူကတော့ ကိုယ့်အပေါ်မှာ ယုံကြည်မှုမရှိတော့ဘူး။ အနာဂတ်မှာ ဆိုတာကိုလည်း သူယုံကြည်မှာ မဟုတ်တော့ပါဘူး။
Credit: Trend Myanmar
ဤစာဖတ်သူများအားလုံးချစ်သောသူနှင့်ရိုးမြေကျပေါင်းဖက်နိုင်ပါစေလို့ရွှေချစ်သူမှဆုတောင်းမေတ္တာ
ပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...
