-အခုရိုက်နေတဲ့ကားလေးကို အရင်ပြောပြပေးပါဦး။
အခုရိုက်နေတဲ့ကားလေးနာမည်က ဗီဇတဲ့။ ဒီကားလေးက ဘာကိုမက်ဆေ့ပေးချင်တာလဲဆိုတော့ ကျူးကျော်ရပ်ကွက်က အပေအတေတွေရဲ့အကြောင်းကို ရိုက်ပြထားတာပေါ့။ လူတစ်ယောက်ရဲ့ အကျင့်ဗီဇဆိုတာ ဘယ်တော့မှ ဖျောက်လို့မရဘူးဆိုတာကို မက်ဆေ့ပေးချင်တာပေါ့။
-ဒီကားပြီးရင်ရော ဘာတွေလက်ခံထားတာရှိဦးမလဲ။
ဒီကားပြီးရင်ကိုဝိုင်းနဲ့ရွှေကြာကားရိုက်မယ်။ ပြီးရင်တော့ နယ်မှာ ကိုမြင့်မြတ်နဲ့ရိုက်ဖို့ရှိတယ်။
-ချစ်သူများနေ့ကိုရော ဘယ်လိုဖြတ်သန်းဖြစ်ခဲ့လဲ။
ဒီအတိုင်းပါပဲ။ အလုပ်မလုပ်ဘူး။ နယ်မှာပဲသွားလည်နေတာပေါ့။ အဲ့ဒီနေ့က ကိုယ်ချစ်တဲ့သူတွေဆီကတော့ လက်ဆောင်တွေရပါတယ်။
-ကိုမြင့်မြတ်ပွဲတုန်းကလဲ ပန်းကြဲပေးတာတွေ့ရတယ်။ ဘယ်လိုခံစားရလဲ။
ပျော်ပါတယ်။ သူတို့စကြိုက်ကတည်းသိတာ၊ ချစ်သူရည်းစားသက်တမ်းလဲတော်တော်ကြာနေပြီဆိုတော့ မိန်းကလေးဖက်ကကြည့်ရင် ယူသင့်တဲ့အချိန်ရောက်နေပြီ။ မြင့်မြတ်ကလဲ ဒီကောင်မလေးကို အရမ်းချစ်တယ်။ သူတို့အတွဲကိုမြင်ရင် အားကျတယ်။ ဘာလို့လဲဆိုတော့ ကိုယ်တွေနဲ့ နယ်မှာသွားရိုက်ရင်လဲ ကောင်မလေးက တောက်လျှောက်ပါတာလေ။ ဟယ်ချစ်စရာလေးလို့သူတို့အတွဲတွေ့ရတာချစ်ချစ်ခင်ခင်လေးနဲ့ကိုမြင့်မြတ်သွားတဲ့နောက်လဲတောက်လျှောက်လိုက်ပေးတယ်။ နယ်တွေဘာတွေတောက်လျှောက်ထွက်ရရင် ရန်ကုန်ရော၊ မန္တလေးရော မပြန်ရတာအရမ်းကြာနေပြီ။ အရမ်းပျင်းတယ်။ ဒါပေမဲ့လဲ သူလိုက်ရတာပျော်တယ်ပေါ့။ သြော်အားကျလိုက်တာဆိုပြီး ဖြစ်မိတာပေါ့။ ဒီလိုမျိုး ကိုယ်အားကျတဲ့အတွဲလေးကအခုလိုမျိုးရေရှည်မှာလက်တွဲသွားမဲ့အိမ်ထောင်ဖက်ဖြစ်သွားတဲ့အခါကျတော့ ၀မ်းသာမိတာပေါ့။
-အားပဲကျနေတော့မှာလား။ ကိုယ့်အတွက်ရော မစဉ်းစားတော့ဘူးလား။
အားပဲအားကျတာ ကိုယ်ကျတော့ အဲ့ဒီလောက်ကြီးယူဖို့သတ္တိမရှိဘူး။ ဘာလို့လဲဆိုတော့ မတူညီတဲ့ဘ၀နှစ်ခုကိုပေါင်းစပ်ရမှာလေ။ သမီးရည်းစားဘ၀မှာတောင် ကိုယ်နဲ့တစ်ဂျိမ်းဂျိမ်းသတ်နေတဲ့ လူတစ်ယောက်က ယူပြီးရင်ပိုဆိုးမှာလေ။ ယူပြီးမှလဲကွဲပြီးတစ်ခုလပ် အဖြစ်မခံနိုင်ဘူး။ မယူခင်လဲ ကိုယ့်မိဘကိုသေချာလဲပြုစုစောင့်ရှောက်ချင်တယ်။ အဲ့ဒီအတွက် ကိုယ်ယူချင်တဲ့အချိန်ကျမှကောက်ယူမယ်ဆိုပြီး လုပ်လိုက်တဲ့ ယောကျာ်းတစ်ယောက်က ကိုယ်စံထားရတဲ့၊ စံဝင်တဲ့သူဆိုယူလိုက်မယ်။ စံမ၀င်ဘူးဆိုရင် ဒီတစ်သက်တော့ယူဖြစ်မှာမဟုတ်ဘူး။
-အဲ့ဒါဆို အခုလက်ရှိမှာ ကိုယ့်သတ်မှတ်ထားတဲ့ စံထဲဝင်လောက်တဲ့သူမတွေ့သေးလို့မယူသေးတာပေါ့။
အင်း အဲ့ဒီလိုပဲပြောရမှာပေါ့။ ဘ၀တစ်ခုလုံးစာကို ပုံအပ်ပြီးချစ်ရမဲ့သူမျိုးရှိတော့ရှိတယ်။ ဒါပေမဲ့ မပုံအပ်ရဲသေးတာပေါ့။ ယူပြီးမှ ကိုယ့်မိဘလောက်မကောင်းရင်လဲ ကိုယ်ပဲခံစားရမယ်။ အများကြီးစဉ်းစားတာပေါ့။ ကိုယ်ကသာမန်လူလဲမဟုတ်ဘူး။ အနုပညာရှင်တစ်ယောက်ဖြစ်နေတဲ့အခါကျတော့အကုန်လုံးက ကိုယ့်ကိုစောင့်ကြည့်နေကြမှာလေ။ စောင့်ကြည့်နေကြတဲ့အတွက်ကိုယ်ယူလိုက်ပြီးမှကွဲသွားခဲ့ရင်သူများတွေ လက်ခုပ်တီးဖို့လဲမဖြစ်ချင်ဘူး။ ၀မ်းနည်းပေးဖို့လဲမဖြစ်ချင်ဘူး။ အဲ့ဒီလိုမျိုးပေါ့။ အများကြီးစဉ်းစားပြီးမှလုပ်မှာပါ။
-သင်ဇာကိုဆိုရင် ဆိုရှယ်ကျတယ်လို့ပြောကြတယ်။ အိမ်ထောင်ရေးနဲ့ပတ်သက်ပြီး ဒီလောက်ထိ အလေးထားလိမ့်မယ်လို့လဲမထင်ကြဘူး။ အဲ့ဒီအပေါ်ကို သင်ဇာဘယ်လိုမြင်မိလဲ။
ပြောရမယ်ဆိုရင် တချို့လူတွေက ဆိုရှယ်ကျတယ်ဆိုတာကို အ၀တ်အစားပိုင်း၊ အပြောအဆိုပိုင်းနဲ့ဆိုရှယ်ကျတယ်ပဲပြောကြတယ်။ ဒါပေမဲ့လူတစ်ယောက်ရဲ့အတွင်းစိတ်ထဲက ပင်ကိုယ်ဗီဇနဲ့စိတ်ရင်းကို ဘယ်သူမှမတွေ့နိုင်ဘူး။ တစ်ယောက်နဲ့တစ်ယောက်လဲမတူဘူး။ ရိုးရိုးလေးနေတဲ့သူတစ်ယောက်ကအိမ်ထောင်ပြုတဲ့အပိုင်းကို အရမ်းရဲတင်းချင်လဲ ရဲတင်းလိမ့်မယ်။ ကိုယ်တွေလိုအရမ်းဆိုရှယ်ကျတဲ့လူတစ်ယောက်ကလဲ အများကြီးတွေ့ဖူး၊ ကြုံဖူးတဲ့အခါကျတော့ အတွေ့အကြုံက အမြင်နဲ့တင်ရတယ်လေ။ ကိုယ်မြင်ဖူးတဲ့ပတ်ဝန်းကျင်အသိုင်းအ၀ိုင်း၊ ပတ်သက်ဖူးတဲ့သူတွေ၊ အိမ်ထောင်ပြုပြီး ကွဲသွားကြတာကိုမြင်ရတဲ့အခါကျတော့ အိမ်ထောင်ပြုရမှာကိုကြောက်သွားတာ။ ငါရောအဲ့ဒီလိုယူရင်ကွဲမှာလားဆိုတဲ့ စိတ်ကြီးက၀င်ပြီး အဲ့ဒီလိုမျိုးဖြစ်သွားတာ။ တချို့ကကျတော့ ကွဲတာတွေဘာတွေလဲ မမြင်ဖူးဘူး။ ကိုယ်ချစ်တဲ့သူတစ်ယောက်ပဲမြင်ပြီး ယူလိုက်တာ ပြီးမှကွဲရင်လဲကွဲ၊မြဲရင်လဲမြဲ ပေါ့။ သူတို့အနေနဲ့ဆုံးဖြတ်ချက်ချရဲတယ်ဆိုတာ ဘာမှသိပ်မသိသေးလို့လေ။ သင်ဇာကတော့ ဆိုရှယ်ကြတယ်။ အ၀တ်အစားဝတ်တာလဲခေတ်ဆန်ပါတယ်။ ဒါပေမဲ့အဲ့ဒီလိုမျိုးယူမဲ့ အခါကျရင်တော့ ကိုယ့်ဘ၀တစ်ခုလုံးပေးလိုက်ရမှာဖြစ်တဲ့အတွက် အများကြီးတော့စဉ်းစားမိတာပေါ့။ တခြားအမှားဆိုတာပြင်လို့ရသေးတယ်။ ဒီလိုအမှားမျိုးဆိုတာပြင်လို့မရဘူးလေ။ အဲ့ဒါကြောင့်မို့သေချာစဉ်းစားနေတာလဲပါပါတယ်။
-အခုလောလောဆယ်ကရော ကိုယ့်စိတ်ကယူမဲ့ဖက်ကိုပိုများလား။ တစ်ယောက်တည်းနေမဲ့ဖက်ကိုများနေလား။
၅၀ရာခိုင်နှုန်းကလဲ မိဘကိုအရမ်းလုပ်ကျွေးချင်တယ်။ ဒီဖက်၅၀ရာခိုင်နှုန်းကလဲ ငါဒီတစ်သက်လုံးတော့ အလုပ်ကို တစ်ယောက်တည်းလုပ်လို့မဖြစ်ဘူး။ မိဘကလဲ ယူစေချင်ပါတယ်။ တစ်နေ့နေ့တစ်ချိန်ချိန်ကျရင်ပေါ့လေ။ ဒါပေမဲ့လဲ သူတို့နဲ့လဲနေစေချင်သေးတယ်။ မောင်နှမလေးယောက်ထဲမှာ သူတို့နဲ့ကျန်ခဲ့တာက ကိုယ်တစ်ယောက်တည်းဆိုတော့လေ။ သူတို့ကိုပြုစုဖို့ကိုယ်တစ်ယောက်တည်းရှိတာဆိုတော့ ယူတော့ယူစေချင်ပါတယ်။ ဒါပေမဲ့အခုတော့မဟုတ်ဘူးပေါ့။ မသေချာသေးဘူး။
-အခုလက်ရှိကရော ချစ်သူရှိနေပြီလား။
ချစ်သူကတော့ ရှိနေပါပြီ။ ဒါကိုဖေစ့်ဘွတ်မှာလဲတင်နေတော့ မဖုံးကွယ်ချင်ဘူးလေ။ ချစ်သူကတော့ ရှိတယ်။ ဒါပေမဲ့လဲ ကိုယ်ယူနိုင်တဲ့အနေအထားမျိုးထိမစဉ်းစားရသေးဘူးပေါ့။
-အပြင်ကပဲလား။
အပြင်ကပါပဲ။
-လေ့လာနေတဲ့သဘောပေါ့။
အင်းပေါ့။ လေ့လာနေတာပေါ့။ ကြိုက်တာက တစ်နှစ်ကျော်လောက်ပဲရှိသေးတော့ အချိန်က တစ်အားနည်းသေးတယ်လေ။ ယူမယ်ဆိုပြီးဆုံးဖြတ်ဖို့ကောင်းတဲ့အချိန်က သုံး၊ လေး၊ ငါးနှစ်လောက်မှဆိုတော့ အဲ့ဒီလောက်မှပဲစဉ်းစားဖြစ်မယ်ထင်တယ်။ ဒီတစ်ယောက်နဲ့မြဲခဲ့ရင်ပေါ့။
-ဘယ်လိုပုံစံမျိုးရှိတဲ့ ယောကျာ်းလေးကို သဘောကျလဲ။
ပိုက်ဆံချမ်းသာဖို့လဲမလိုဘူး။ အရမ်းကြီး ချောပြီး ကိုရီးယားမင်းသားတွေလောက်ချောမောလှပနေဖို့လဲမလိုဘူး။ အဓိကကသူ့မိဘချမ်းသာ၊ မချမ်းသာတာလဲ မကြည့်ဘူး။ သူကိုယ်တိုင်က အရည်အချင်းရှိရမယ်။ သူမိဘမချမ်းသာလဲသူကိုယ်တိုင်အရည်အချင်း ရှိတယ်ဆိုရင် သုညကစလဲစလို့ရတယ်။ အဲ့ဒီလိုယောကျာ်းမျိုးပဲလိုချင်တာ။ အဓိကက ကိုယ့်အလုပ်ကို နားလည်နိုင်ရမယ်။ ကိုယ့်ကိုလဲ ကိုယ့်မိဘတွေချစ်သလိုချစ်နိုင်ရမယ်။ ကိုယ့်မိဘတွေနားလည်သလိုမျိုး ဂရုတစိုက်နဲ့အလေးထားပြီးဆက်ဆံရမယ်။ အဲ့ဒီလိုယောကျာ်းမျိုးပေါ့။
-အရင်တုန်းကနားလည်ထားတဲ့အချစ်နဲ့အခုလက်ရှိမှာ နားလည်ထားတဲ့အချစ်က ဘယ်လိုပြောင်းလဲသွားလဲ။
ငယ်ငယ်တုန်းကစိတ်ကစားတာ လျှောက်တွဲတာပဲရှိတာ ရည်းစားအတည်တကျ တွဲတာလဲမရှိဘူး။ ဒီအတိုင်းပဲ အပြင်မှာမုန့်ထွက်စားလိုက်တယ်။ ဒီလောက်ပဲ။ ရည်းစားအတည်တကျထားခဲ့တာဆိုလို့ နှစ်ယောက်ပဲရှိတာ ။ ဒါကတော့ ဒုတိယမြောက်ပေါ့။ အချစ်ဆိုတာလဲ ဒီနှစ်ယောက်နဲ့မှသိတာ။ ဟိုးအရင်က ပတ်သက်ခဲ့ဖူးတဲ့သူတွေက သူငယ်ချင်းလိုလို၊ ရည်းစားလိုလို၊ အီစီကလီလိုလိုတွေပဲပေါ့။ အခုမှအချစ်ကို စသိခါစပေါ့။ ဒါပေမဲ့ အချစ်ဆိုတာက ကိုယ့်အတွက်မရှိလဲရတယ်။ ဘာမှမဖြစ်ဘူး။ အခုချိန်ထိလဲအဲ့ဒီလိုမျိုးပါပဲ။ အချစ်ဆိုတာကိုသိတော့သိတယ်။ အချစ်က ကိုယ့်အတွက်မရှိလဲဖြစ်တယ်ဆိုတဲ့အရာပေါ့။
-အသည်းတွေဘာတွေရောကွဲဖူးလား။
အသည်းလဲမကွဲဖူးဘူး။ အသည်းကွဲတယ်ဆိုတာက ကိုယ်အရမ်းချစ်တဲ့သူက ကိုယ့်ကိုထားခဲ့ရင်ပဲဖြစ်ဖြစ် ကိုယ့်အပေါ်သစ္စာဖောက်ရင်ပဲဖြစ်ဖြစ် ခံစားရတဲ့အရာပေါ့။ အဲ့ဒီလိုမျိုးလဲတစ်ခါမှမဖြစ်ဘူးပါဘူး။ ဘာလို့လဲဆိုတော့ ကိုယ်ကပဲ အနိုင်ကျင့်ပြီး ထားခဲ့တာကြီးပဲ။ ကိုယ်ကပဲ အကုန်လုံးကို အနိုင်ကျင့်တယ်။ အရမ်းလဲခိုင်းတယ်။ ဟိုဟာလုပ်ပေး၊ ဒီဟာလုပ်ပေးနဲ့ သင်ဇာနဲ့တွဲဖူးတဲ့သူတွေကြိုက်ဖူးတဲ့သူတွေ သိပါတယ်။ တစ်ခါမှလဲအသည်းမကွဲဖူးဘူး။ တစ်ခါမှလဲရည်းစားပစ်တာ မခံရဖူးဘူး။ တချို့ဆိုသင်ဇာကိုပြောတယ်။ သံမဏိအသည်းနှလုံးတဲ့။ နင့်မှာအသည်းနှလုံးမရှိဘူးတဲ့။ အသည်းနှလုံးမရှိတဲ့မိန်းမကြီးလို့ပြောခံရဖူးတယ်။
-အကယ်ဒမီလဲနီးလားပြီဆိုတော့ စိတ်လှုပ်ရှားမှုကဘယ်လိုရှိလဲ။
အကယ်ဒမီကတက်ဖြစ်မှာပါ။ နှစ်တိုင်းလဲတက်ဖြစ်တယ်ဆိုတော့လေ။ ကိုယ့်ကားမပါလဲ တက်တာပါပဲ။ ဒီနှစ်မှာလဲ အဲ့ဒီလိုပါပဲ။ ကိုယ့်ကားပါတယ်ဆိုပေမဲ့လဲ ရင်တော့ခုန်တာပေါ့။ ရမယ်ဆိုရင်လဲ ဘယ်သူမဆိုလိုချင်ကြတာပဲလေ။ ရမယ်ဆိုရင်လဲ အတိုင်းမသိကို ၀မ်းသာမိမှာပါ။ ဒါပေမဲ့ မရခဲ့ရင်လဲ ကိုယ့်ရဲ့စီနီယာ၊ ဂျူနီယာလေးတွေပဲဖြစ်ဖြစ်ရခဲ့ရင်လဲ သူတို့အတွက်လက်ခုပ်တီးပေးမှာပါ။ ဘာဖြစ်လို့လဲဆိုတော့ ဒါသူတို့နဲ့ထိုက်လို့သူတို့ရတာလေ။ သူတို့ရဲ့ကြိုးစားမှုအရာရောက်သွားတဲ့အတွက် လက်ခုပ်သြဘာပေးပြီးအားပေးရမှာပေါ့။ အဲ့ဒီတော့တက်ဖြစ်မှာပါ။
-ဘယ်သူတွေလို့ရောကြားနေသေးလဲ။
မင်းသားထဲမှာ ထွန်းထွန်းလို့လဲကြားတယ်။ မြင့်မြတ်လို့လဲကြားတယ်။ နေမင်းလို့လဲကြားတယ်။ ပြီးရင်မင်းသမီးထဲက ပိုင်ဖြိုးသုလဲကြားတယ်။ အေးမြတ်သူလို့လဲကြားတယ်။ နောက်ရှိသေးတယ်။ မေ့နေလို့။
-အကယ်ဒမီလဲနီးလာပြီ။ ပရိသတ်ကလဲ ခန့်မှန်းပေးနေကြတယ်။ ကိုယ့်ကားလဲပါတဲ့အပေါ်မှာရော သာမန်ထက်ပိုတဲ့စိတ်လှုပ်ရှားမှုရှိလား။
အဲ့ဒီလောက်ကြီးလဲမဟုတ်ဘူး။ ရရင်လဲယူလိုက်မှာပေါ့။ လိုလဲလိုချင်ပါတယ်။ အရမ်းကြီးစိတ်လှုပ်ရှားပြီး ဟယ်ငါရမလားမသိဘူးဆိုပြီးပြင်ဆင်နေတာမျိုးလဲမရှိပါဘူး။ ထူးထူးခြားခြားလဲဘာမှလုပ်မနေချင်ပါဘူး။
Credit : Trend Myanmar
ဤစာဖတ်သူများအားလုံးပျော်ရွင်ချမ်းမြေ့ကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...
