(၁၉၈၃)ခုနှစ် Hamလို့ခေါ်သူတစ်ဦးဟာ နယူးယောက်က Empire State အဆောက်အဦးကို လက်ချည်းသက်သက်တက်နိုင်ခဲ့လို့ ဂရင်းနစ်စာအုပ်မှာစံချိန်တင်ပြီး "ပင့်ကူလူသား" လို့ တင်စားခံခဲ့ရတယ်။
ဒီသတင်းကိုကြားတော့ အမေရိကန်မှာရှိတဲ့ အမြင့်ကြောက်ရောဂါ(acrophobia) ပြန်လည်ထူထောင်ရေးအသင်းက "ပင့်ကူလူသား" Hamကိုဖုန်းဆက်ပြီး ထူထောင်ရေးအသင်းရဲ့ အတိုင်ပင်ခံလုပ်ဖို့ ကမ်းလှမ်းခဲ့တယ်။
ကမ်းလှမ်းစာကိုရတော့ Hamက အသင်းဥက္ကဠ Normanကိုဖုန်းဆက်ပြီး အဖွဲ့ဝင်နံပါတ်(၁ဝ၄၂)ကို စစ်ဆေးစေခဲ့တယ်။ စစ်ဆေးကြည့်တော့ အဖွဲ့ဝင်(၁ဝ၄၂)ရဲ့ နာမည်က Berson·Ham ဖြစ်နေတာကို တွေ့လိုက်ရတယ်။
တကယ်တော့ "ပင့်ကူလူသား"လို့ အမည်တွင်ခဲ့တဲ့ Berson·Ham ကိုယ်တိုင်က အမြင့်ကြောက်ရောဂါ စွဲကပ်နေသူဖြစ်တယ်။
ဒါကိုသိလိုက်ရတဲ့ Normanဟာ အရမ်းအံ့သြသွားခဲ့တယ်။ ပထမထပ်ဝရံတာမှာ ရပ်တာတောင် နှလုံးခုန်မြန်သူတစ်ယောက်က မီတာ(၃၈၁)ကျော်မြင့်တဲ့ အဆောက်အဦးတစ်ခုကို လက်ဗလာနဲ့ တက်ခဲ့တယ်ဆိုတာကို သူမယုံကြည်နိုင်ဖြစ်ခဲ့တယ်။ ဒီအတွက် Hamကို တွေ့ဆုံမေးမြန်းဖို့ သူဆုံးဖြတ်လိုက်တယ်။
Philadelphia မြို့ပြင်မှာရှိတဲ့ Hamရဲ့နေအိမ်ကို Norman ရောက်လာခဲ့တယ်။ Norman ရောက်တဲ့အချိန်က Hamတို့အိမ်မှာ ဧည့်ခံပွဲလေးတစ်ခု ကျင်းပနေချိန်ဖြစ်ပြီး အဘွားအိုတစ်ဦးကို သတင်းထောက်တွေက ဝိုင်းရံပြီး ဓာတ်ပုံရိုက်၊ မေးမြန်းနေချိန်ဖြစ်တယ်။
အဘွားအိုက အသက်(၉၄)နှစ်ရှိပြီဖြစ်တဲ့ Hamရဲ့အဘွားဖြစ်တယ်။ အဘွားအိုဟာ Ham ဂရင်းနစ်စံချိန်ဝင်ခဲ့တဲ့ သတင်းကိုကြားလို့ ကီလိုမီတာ (၁ဝဝ)အဝေးကနေပြီး ခြေကျင်လာခဲ့တာဖြစ်တယ်။ လမ်းလျှောက်လာခဲ့တဲ့ ရည်ရွယ်ချက်ကလည်း Hamရဲ့အောင်မြင်မှုကို အရောင်ထပ်ဖြည့်ပေးစေချင်တဲ့ ဆန္ဒကြောင့်ဖြစ်တယ်။ သူ့ရဲ့ဒီလိုဆန္ဒက လူအိုတစ်ယောက် ကီလိုမီတာ(၁ဝဝ)ကျော်ကို ခြေကျင်လျှောက်ခဲ့တယ်ဆိုတဲ့ ကမ္ဘာ့စံချိန်ကို ချိုးခဲ့ပြန်တယ်။
"နယူးယောက်တိုင်းမ်" သတင်းထောက်တစ်ဦးက အဘွားအိုကို "ခြေကျင်လာဖို့ ဆုံးဖြတ်ချိန်မှာ ကိုယ့်အသက်အရွယ်ကြောင့် မတုန်လှုပ်ခဲ့ဘူးလား" လို့မေးတယ်။
"လူငယ်လူရွယ်တွေအတွက် (၁ဝဝ)ကီလိုမီတာကို မနားတမ်းပြေးနိုင်ပေမယ့် ကျွန်မအတွက်တော့ သတ္တိဆိုတာလိုခဲ့တယ်။ ဒါပေမယ့် ခြေလမ်းတစ်လှမ်းအတွက်က သတ္တိမလိုခဲ့ပါဘူး။ ဒါကြောင့် ကျွန်မပထမခြေတစ်လမ်း အရင်စလှမ်းတယ်၊ ပြီးရင် နောက်တစ်လှမ်းဆက်တယ်၊ တစ်လှမ်းပြီးတစ်လှမ်း နောက်ဆုံးမှာ(၁ဝဝ)ကီလိုမီတာကို ကျွန်မလျှောက်ပြီးသား ဖြစ်သွားပါတယ်။ ကျွန်မက ဒီလိုလျှောက်လာခဲ့တာပါ"
အဘွားအိုရဲ့ စကားကိုနားထောင်ပြီး Norman သဘောပေါက်သွားခဲ့တယ်။ အမြင့်ကြောက်ရောဂါရှိသူ Hamဟာ အဆောက်အဦးကိုတက်ဖို့ ပထမခြေလှမ်းအတွက် သတ္တိတွေထည့်ခဲ့တယ်။ အဲဒီသတ္တိကြောင့် သူ့ရဲ့ အမြင့်ကြောက်ရောဂါက အလိုလိုနေရင်း ပျောက်သွားခဲ့တယ်။
ထူးဆန်းအံ့သြမှုကို ဖန်တီးနိုင်သူတိုင်းဟာ ပထမခြေလမ်း စလှမ်းရဲတဲ့သတ္တိရှိရုံတင်မက အဲဒီနဂိုသတ္တိလေးကို နောက်ဆုံးအထိ ကြံ့ကြံ့ခံနိုင်ခဲ့တဲ့အတွက်ကြောင့်ဖြစ်တယ်။
ပထမခြေလမ်း စလှမ်းရဲပြီဆိုတာနဲ့ နောက်တစ်လှမ်းဆက်ဖို့က မခက်ခဲတော့ပါဘူး။
Credit : နိုင်းနိုင်းစနေ
ဤစာဖတ်သူများအားလုံးစိတ်ဓာတ်ခွန်အားတွေရရှိနိုင်ပါစေလို့ရွှေချစ်သူမှဆုတောင်းမေတ္တာပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့မျှဝေပေးပါနော်...
