၁။ အထက်စီးဆန်လွန်းခြင်း
ကိုယ့်လက်အောက်က ဝန်ထမ်းကို နှိမ့်ချ ဆက်ဆံပြီး မောက်မာလွန်းရင်လည်း ဝန်ထမ်းတွေက သိမ်ငယ်သွားတတ်ပါတယ်။
၂။ ခွဲခြားခွဲခြားလုပ်ခြင်း
ကိုယ်သဘောကျတဲ့လူကို မျက်နှာပေးသလောက် သဘောမကျဘူး၊ အမြင်မကြည်ဘူးဆိုရင် ဂရုမစိုက်တတ်တာကြောင့်လည်း ဝန်ထမ်းတွေက အလုပ်ကိုအလေးမထားတော့ပါဘူး။
၃။ စိတ်ခံစားချက်အတိုင်း အုပ်ချုပ်ခြင်း
ကိုယ့်မှာပဲ ဒေါသတွေရှိနေတာမဟုတ်ပါဘူး။ အဆင်မပြေချိန်တွေမှာ ဝန်ထမ်းတွေကို မဲပြီး ဟောက်တာ၊ ဆူတာမျိုးတွေကြောင့်လည်း ဝန်ထမ်းတွေ စိတ်ပျက်ရပါတယ်။
၎။ ပုံကြီးချဲ့လွန်းတာ
အပြစ်သေးသေးလေးကို ချဲ့ကားပြောတာမျိုးတွေနဲ့ အသေးစိတ်အစက တစ်ခုချင်းစီ ပြောနေတာတွေကြောင့်လည်း ဝန်ထမ်းတွေ စိတ်ညစ်နိုင်ပါတယ်။ ဥပမာအားဖြင့် အဝတ်အစားဝတ်ဆင်တာမျိုး၊ ဆံပင်အရောင်ဆိုးခြင်းတားမြစ်တာမျိုးတွေက ချုပ်ခြယ်လွန်းရာရောက်ပါတယ်။
၅။ အရေးမကြီးဘဲ အစည်းအဝေးခနခနခေါ်ခြင်း
အစည်းအဝေးဆိုတာကို ဝန်ထမ်းတွေက အရေးတကြီး အသိပေးစရာ သို့မဟုတ် ဆုံးဖြတ်ချက်ချဖို့ လိုအပ်တဲ့အခါတွေကို ခေါ်ယူတယ်လို့ပဲ နားလည်ထားကြပါတယ်။ အစည်းအဝေး တစ်ခုဟာ အလေးထားရမယ့်အရာလို့ နားလည်ထားတဲ့အလျောက် အရေးမပါတဲ့ အစည်းအဝေးတွေ ခနခန ခေါ်လွန်းတာကြောင့်လည်း ဝန်ထမ်းတွေက အလုပ်အပေါ် ငြီးငွေ့လာပါလိမ့်မယ်။
၆။ အသိအမှတ်မပြုခြင်း
အပြစ်တွေအတွက်ပဲ လက်ညှိုးထိုးပြစ်တင်နေပေမဲ့ အောင်မြင်မှုတွေ ကြိုးစားမှုတွေအတွက် ဘယ်လိုတုံ့ပြန်မှုမှ မလာဘူးဆိုရင် အလုပ်အပေါ် စိတ်အားထက်သန်မှုတွေဟာ တဖြည်းဖြည်း ပျောက်ဆုံးသွားတတ်ပါတယ်။
၇။ တိကျမှုမရှိတာ
တစ်ခုခုဆိုရင် မပြတ်မသားနဲ့ ဟိုလိုလို၊ ဒီလိုလို လုပ်နေတတ်တဲ့ အထက်လူကြီးကြောင့်ပဲ လုပ်ငန်းခွင်ထဲက ဝန်ထမ်းကောင်းတွေ ဆုံးရှုံးသွားနိုင်ပါတယ်။ ကတိပေးထားပြီးမှ ကတိမတည်တာတွေ၊ ပြောထားတဲ့အတိုင်း မလုပ်ပေးဘူးဆိုရင် ဝန်ထမ်းတွေက ပျော်ရွှင်ရတော့မှာမဟုတ်ပါဘူး။
Credit : Duwun
ဤစာဖတ်သူများအားလုံးကျန်းမာချမ်းသာကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...
