လတ်တလော အနုပညာလှုပ်ရှားမှုကနေ စပြောပေးပါဦး
We are Big Bagရဲ့ Music Video ကို ရိုက်ကူးနေပြီး ဂီတလောကသားတွေ မူပိုင်ခွင့်နဲ့ ပတ်သက်လို့ အကျိုးခံစားခွင့် အပြည့်အဝရရှိအောင် လုပ်ဆောင်ပေးနေပါတယ်။ လက်ရှိမှာ Big Bag အတွက် သီချင်းတွေကို တစ်နှစ်လောက်မရေးသေးပါဘူး။
မူပိုင်ခွင့် နဲ့ပတ်သက်လို့ DIGI RIGHT ကုမ္မဏီတည်ထောင်ဖြစ်တဲ့ အကြောင်းအရင်းပြောပြပေးပါ။
ကျွန်တော်ရယ်၊ စမိုင်းလ် ခင်ပွန်းကိုပြည့်မောင်ရယ် လုပ်တာပါ။ အဓိကကတော့ ဂီတသမားတစ်ယောက်ရဲ့ မူပိုင်ခွင့်ကို အပြည့်အဝ ရရှိစေချင်တဲ့ စေတနာနဲ့ပါ။ အခုဖြစ်နေတာတွေက အဆိုတော်တစ်ယောက်က သူ့သီချင်းကိုတောင် ကျွန်တော့်သီချင်းမူပိ်ုင်ပါဆိုတာကို ပိုက်ဆံအကုန်ခံပြီး လုပ်နေတာပါ။ ကျွန်တော်တို့က ကိုယ်ကြိုးစားပြီး ဖန်တီးထားတဲ့ ဂီတကို နောက်ထပ်ပိုက်ဆံပေးပြီး မူပိုင်ပါလို့ လုပ်နေရတာ ပုံစံတော့မကျဘူး။ ကျွန်တော်တစ်ယောက်တည်း ဆိုရင်တောင် မလုပ်နိုင်ပါဘူး။ ဒါပေမယ့် ဂီတလောကကို မူပိုင်ခွင့် နဲ့ပတ်သက်လို့ အဆိုတော်တွေ ခံစားခွင့်အပြည့်အဝ ရရှိစေလိုတဲ့ လူတွေပါပံ့ပိုးပေးလို့ လုပ်ဖြစ်တာပါ။
ဂီတအစည်းအရုံးနဲ့ပတ်သက်လို့ဘယ်လိုညှိုနှိုင်းခံရလဲ။
ပွင့်ပွင့်လင်းလင်း ပြောရရင် ဘာတစ်ခုမှမညှိနှိုင်းပါဘူး။ ကျွန်တော်အခု ဂီတအစည်းအရုံးက နေ နှုတ်ထွက်တယ်။ ပြီးတော့ အခုဒီကုမ္မဏီကိုထောင်တယ်။ သူတို့ကဘာအကူအညီမှ မပေးသလို ဘာဝေဖန်သံမှလဲ ပြောတာမကြားပါဘူး။ သူ့အလုပ်သူလုပ်၊ ကိုယ့်အလုပ်ကိုယ်လုပ်ပေါ့။
သီချင်းတွေရောင်းချဖို့ ဘယ်လိုပုံစံလေးတွေ လုပ်ထားသေးလဲ။
ရောင်းချမှုပုံစံကတော့ နှစ်မျိုးပါ။ Online သီချင်းတစ်ပုဒ်ချင်းစီ ရောင်းမလား၊ ဒါမှမဟုတ် သူတို့ရဲ့အခွေတစ်ခုလုံး မူပိုင် အပ်ထားချင်တာလားဆိုတာပါ။ ဒီနှစ်ခုရဲ့ကွာခြားချက်က သီချင်း တစ်ပုဒ်ရောင်းပြီး မူပိုင်မထားရင် Online မှာ သူတို့ရောင်းရတဲ့ ငွေပမာဏကို တွက်ပေးတာပေါ့။ မူပိုင်ခွင့် ပေးတဲ့သူကတော့ ဒီသီချင်းတွေနဲ့ပတ်သက်တဲ့ ကိစ္စအဝဝကို ကိုင်တွယ်ဖြေရှင်းပေးရတာပါ။ ဥပမာ ထိုင်းနိုင်ငံမှာ ဒီက မူပိုင်လုပ်ထားတဲ့သီချင်းကို သုံးနေတယ်ဆိုရင် ကိုယ်ကလှမ်းပြီး တားလို့ရပါတယ်။ ပြီးတော့ အဆိုတော်တွေအနေနဲ့ ဘယ်ဈေးကွက်မှာ ကိုယ့်သီချင်းကို ဘယ်လိုရောင်းပေးပါလို့ ပြောရင်လဲ ကျွန်တော်တို့က အားလုံးအဆင်ပြေအောင် ချိတ်ဆက်ပေးပါတယ်။
အဲဒီလိုလုပ်ပေးရတဲ့အတွက် Company အနေနဲ့ ဝန်ဆောင်ခ ဘယ်လောက်ယူလဲ။
ဝန်ဆောင်ခအနေနဲ့တော့ ၁၅ရာခိုင်နှုန်းပဲယူတယ်။ ကျွန်တော်ထင်တယ်။ မြန်မာနိုင်ငံမှာ အဲဒီလိုလိုလုပ်ပေးတဲ့ ဌာနတွေနဲ့ ယှဉ်လိုက်ရင် ကျွန်တော်တို့ကုမ္မဏီက အနည်းဆုံးလို့ ထင်ပါတယ်။ စီးပွားရေးအရ တွက်ချက်ပြီး လုပ်တာမဟုတ်ဘူး။ သူတို့သီချင်းတွေ လာရောင်းခိုင်းတဲ့ အခါမှာလည်း ဘာပိုက်ဆံမှပေးစရာမလိုပါဘူး။ တကယ့်ကို ဂီတဖန်တီးတဲ့သူတွေအတွက် မူပိုင်ခွင့်အပြည့်အဝခံစားစေချင်တာပါ။
ဂီတအမျိုးအစား အကုန်လုံးကို လက်ခံတာလား။
ဟုတ်ကဲ့။ ဂီတအမျိုးအစားအစုံ လက်တွဲနိ်ုင်ပါတယ်။ ကိုယ်တွေ တကယ်လုပ်ပေး နေတယ်ဆိုတာကို သိတဲ့သူတွေလည်း သိနေပါပြီ။ ဂီတလောကထဲက ဘယ်သူ့ကိုမဆို အကုန်လုပ်ပေးပါတယ်။ တစ်ခြားသော အဖွဲ့အစည်းတွေနဲ့ စကားမပြောပါဘူး။ အနုပညာသမားတွေကိုလုပ်ပေးဖြစ်တဲ့အတွက် အနုပညာသမားတွေ အချင်းချင်းပဲပြောပါတယ်။
ဂီတလောကအတွက် ရေရှည်မှာ ဘယ်လောက်ထိကောင်းနိုင်မယ်လို့ထင်သလဲ။
ရေရှည်မှာတော့ ဂီတသမားတွေရဲ့မူပိုင်ခွင့် အကျိုးခံစားမှု ဒီထက်မကရ ရှိခံစားနိုင်မှာပါ။
ပရိသတ်အတွက် စကားလက်ဆောင်ပြောပေးပါ။
ဟုတ်ကဲ့ပါ။ အားပေးနေတဲ့အတွက် အရမ်းကျေးဇူးတင်ပါတယ်။ ကျွန်တော်က ဒီလိုကိစ္စမျိုးတွေ လိုက်လုပ်နေတော့ တစ်ချို့ပရိသတ်တွေက ကျားပေါက် သီချင်းမရေးတော့ဘူးလားလို့ မေးလာပါတယ်။ Big Bag သီချင်းတွေကို တစ်နှစ်လောက် မရေးပဲ နေပါဦးမယ်။
Credit : Trend Myanmar
ဤစာဖတ်သူများအားလုံးပျော်ရွင်ချမ်းမြေ့ကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့မျှဝေပေးပါနော်...
