ဒီဇင်ဘာ ၁၈ ရက်နေ့မှာရုံတင်တော့မဲ့ ရည်းစားဦးကားကြီးနဲ့ပတ်သက်ပြီး စိတ်လှုပ်ရှားနေပါတယ်ဆိုတဲ့ အလင်းရောင်က တစ်ကိုယ်တော် တေးအယ်ဘမ်တစ်ခုကိုလဲ စီစဉ်နေသလို လက်ရှိမှာ လုပ်ဖြစ်နေတဲ့ အနုပညာအကြောင်းကို ပြောပြလာတာမို့
-အခုလက်ရှိ အနုပညာလှုပ်ရှားမှုလေးကို အရင်ပြောပြပေးပါဦး။
ကိုရွှေထူးနဲ့ မိစန္ဒီတို့ရဲ့ လူလူချင်းပဲ ဆိုတဲ့ သီချင်းလေးရိုက်နေတယ်။ ပြီးတော့ ကျွန်တော် ကြော်ငြာလေးတွေရိုက်ဖြစ်နေတယ်။ နောက်ပြီးတော့ ၂၀၁၆ ထဲမှာထွက်မဲ့ ကျွန်တော့ရဲ့ တစ်ကိုယ်တော်ခွေအတွက်ပြင်ဆင်နေပါတယ်။ အစကတော့ Audio ပဲ ထွက်မယ်ဆိုပြီး အခုကျတော့ သီချင်းအဖြုတ်လေးတွေနဲ့အပြောင်းလေးတွေရှိတာနဲ့ စောင့်နေရမဲ့အတူတူ အမ်တီဗီပါ တစ်ခါတည်းရိုက်ပြီးထွက်မလို့ပါ။
-ဒီအခွေက ကိုယ့်ဟာကိုယ်အသစ်ထပ်လုပ်တဲ့အခွေလား။
ဟုတ်ပါတယ်။ ဒီ၃လပိုင်းကမှ လုပ်တာပေါ့။ သီချင်းကတော့ EDM လေးတွေပါတယ်။ slow rock လေးတွေလဲပါတယ်။ အမြူးလေးတွေ၊ အအေးလေးတွေလဲပါတယ်။
-ပါဝင်တဲ့တေးရေးတွေက။
ဆရာရွှေဂျော်ဂျော်ပါတယ်။ ကိုသားသား၊ ဘန်နီ၊ ကိုညီမင်းခိုင်၊ ကိုဂျမန်းအပြင် တေးရေးအသစ်တွေလဲ ပါပါသေးတယ်။ သီချင်းကတော့ ၁၂ ပုဒ်လောက်ထည့်ထားတယ်။ မြူးဆစ်ဗီဒီယိုကိုလဲ အကုန်လုံးပေါင်းပြီးထွက်မှာပါ။ Audio တစ်ချပ်၊ အမ်တီဗီတစ်ချပ်ပေါ့။ အဲ့ဒီအခွေလေးကို ၅လပိုင်း ကဆုန်ညောင်ရေသွန်းပွဲမှာထွက်ဖို့မျှော်လင့်ထားပါတယ်။
-ပရိသတ်တော်တော်များများက အစ်ကို့ကို ကြော်ငြာတွေ၊ အမ်တီဗီတွေမှာပဲမြင်ဖူးနေကျဆိုတော့ ဂီတပိုင်းနဲ့ပတ်သက်ပြီး ပရိသတ်ကိုအာမခံချက်ပေးနိုင်တာကဘာများရှိမလဲ။
ကျွန်တော် ဒီလောကထဲမှာစပြီးခြေလှမ်းစလှမ်းကတည်းက မော်လ်ဒယ်အနေနဲ့စတယ်။ ပြီးတော့ ကိုဂျွန်တို့ကိုဂျမန်းတို့နဲ့တွေ့နဲ့အချိန်မှာ ကားရိုက်တယ်။ သီချင်းခွေထုတ်ဖို့လဲလုပ်လိုက်တယ်။ ဒါပေမဲ့ အမှန်တိုင်းပြောရရင် ကျွန်တော့်အနေနဲ့ကားရိုက်က အရမ်းကျဲတယ်။ ထွက်တာတွေလဲ အရမ်းကျဲတဲ့အတွက် အနုပညာနဲ့ပတ်သက်ပြီးချပြဖို့ကနည်းတယ်။ တော်တော်များများကလဲ ကျွန်တော့ကို မော်လ်ဒယ်တစ်ယောက် အနေနဲ့ပဲ သိတဲ့အတွက်ကြောင့်မို့လို့မြန်မာပြည်အခြေအနေနဲ့ကအချိန်အကြာကြီးရပ်တည်ဖို့ဆိုတာ မလွယ်ဘူး။ အဲ့ဒါကြောင့်ပရော်ဖက်ရှင်နယ် တစ်ခုခုပြရမယ်ဆိုပြီး ပရိသတ်နဲ့ကျွန်တော့်ကြားမှာ အဆက်အသွယ် တစ်ခုရအောင်လို့သီချင်းခွေကိုပြန်ကြိုးစားတာပါ။ ဒီအခွေလေးထွက်ပြီးသွားရင်တော့ တော်တော်အဆင်ပြေသွားမယ်လို့ထင်ပါတယ်။ Featuring အနေနဲ့လဲ မ၀ိုင်းစု၊ မအိမ့်ချစ်၊ နောက်မယ်လိုဒီဝေါက ဂျူဝယ်တို့တွေလဲပါပါတယ်။
-အခုမကြာခင်မှာ ရုံတင်တော့မဲ့ ရည်းစားဦးဆိုတဲ့ကားလေးကိုလဲ ပရိသတ်တွေတော်တော်များများ အစ်ကို့အတွက်မျှော်လင့်ပေးနေကြတယ်။
အဲ့ဒီကားလေးက နိုဝင်ဘာ၂၇တုန်းကတော့ နေပြည်တော်မှာ ရုံတင်သွားတယ်။ ဒါပေမဲ့ အဲ့ဒီကကျွန်တော်နဲ့နည်းနည်းအလှမ်းဝေးတော့ အဲ့ဒီကFeedback တွေတော့ဘာမှမကြားရသေးဘူး။ အခုလာမဲ့ ၁၈မှာလဲ ရန်ကုန်၊ မန်းလေး၊ တောင်ကြီးမှာစပြီးရုံတင်တော့မယ်။ ပရိသတ်တွေ ဘယ်လိုပြန်ပြီး ပြောလာမလဲဆိုတာကိုလဲ ကျွန်တော်ရင်ခုန်နေတယ်။ ပြီးတော့ ဒီကားထဲမှာ သရုပ်ဆောင်အဟောင်းဆိုလို့ဦးရဲအောင်တစ်ယောက်ပဲပါတယ်။ ကျွန်တာအားလုံးက ဒါရိုက်တာကအစ အသစ်တွေကြီးပဲ။ လွန်ခဲ့တဲ့ သုံးနှစ်လောက်ကတည်းကရိုက်ထားတဲ့ကားလဲဖြစ်တယ်။ အကုန်လုံးကလဲ အတတ်နိုင်ဆုံးကြိုးစားထားကြတယ်။ အဲ့ဒီအတွက်ပရိသတ်တွေဆီကအားပေးမဲ့အသံတွေကိုလဲ ပြန်ကြားချင်ပါတယ်။
-လွန်ခဲ့တဲ့ သုံးနှစ် ကိုယ်အသစ်ဘ၀က ရိုက်ထားတဲ့ကားဖြစ်တဲ့အတွက် ပရက်ရှိုြး ပန်ကြည့်တဲ့ အချိန်မှာရော ဘယ်လိုသုံးသပ်မိလဲ။
အားမလိုအားမရကတော့ ဖြစ်ပါတယ်။ ဘာကြောင့်လဲဆိုတော့ ကျွန်တော်တို့က သရုပ်ဆောင်အသစ်လဲဖြစ်တယ်။ ပြီးတော့ ကြော်ငြာတို့အမ်တီဗီတို့လောက်ပဲ အများဆုံးရိုက်ဖြစ်တဲ့အခါကျတော့ ကျွန်တော် ပရက်ရှိုးသွားကြည့်တဲ့အချိန်မှာ တချို့အခန်းတွေကိုလိုတယ်လို့ခံစားရတယ်။ အားမရတာမျိုးလဲဖြစ်တယ်။ ဒါပေမဲ့ တချို့အခန်းတွေကျတော့လဲပရိသတ်တွေကြိုက်ကြတယ်။ အဲ့ဒီကားက ရည်းစားဦးဆိုပေမဲ့ မိဘမေတ္တာလဲပါတယ်။ ၅၂၈ ၊ ၁၅၀၀ အားလုံးပါတဲ့ကားလေးဆိုတော့ တချို့လူကြီးတွေလဲကြည့်ပြီးငိုကြတယ်။ တော်တော်လေးကောင်းပါတယ်။ ပရိသတ်အားပေးမှုကိုလဲ မျှော်လင့်ထားပါတယ်။ အဲ့ဒီကားက ပထမဆုံးခေါင်းဆောင်စရိုက်တဲ့ကားဖြစ်သလို ပထမဆုံးရုပ်ရှင်ကားကြီးလဲဖြစ်တဲ့အတွက်အရမ်းကို စိတ်လှုပ်ရှားပါတယ်။
-နောက်ဟိုတလောကမှထွက်ထားတဲ့ အသည်းကြီးဝတ်ရည်ကားလေး အဲ့ဒီကားလေးကိုလဲ ပရိသတ်တော်တော်များများ အားပေးတာတွေ့ရတယ်။
အသည်းကြီးဝတ်ရည်ကတော့ ရည်းစားဦးရဲ့အရှေ့မှာရိုက်တဲ့ကားပေါ့။ အမှန်အတိုင်းပြောရရင် လုံးဝကိုအားမရတဲ့ကားပေါ့။ တော်တော်လေးလဲကြာပြီးမှ ထွက်တယ်။ တချို့စကားပြောတဲ့အခန်းတွေဆို ကျွန်တော့်မှာ လိုအပ်ချက်တွေရှိတယ်။ အဲ့ဒါကိုလဲ ပရိသတ်တွေကနားလည်ပေးပြီး ကြည့်ပေးကြတယ်။ အားပေးကြတယ်။ အဲ့ဒီအတွက်နောက်ဆက်ရိုက်မဲ့ကားတွေမှာ အားလုံးကိုဖြည့်စွက်ပြီးရိုက်ကူးပေးသွားပါမယ်။
-ဗီဒီယိုကဘယ်နှစ်ကားလောက်ရိုက်ထားလဲ။
ကိုဂျမန်းတို့နဲ့က နှစ်ကား၊ အပြင်တိုက်နဲ့ကတစ်ကား၊ နောက်ကားကြီးက ကိုဂျမန်းတို့နဲ့ပဲ နှစ်ကားပါ။ ဆွဲစားပစ်လိုက်နဲ့ အသည်းကြီးဝတ်ရည်က ဗီဒီယိုနှစ်ကား၊ နောက်ရည်းစားဦးနဲ့ ဘယ်ရည်းစားကိုအချစ်ဆုံးလဲ ကကားကြီးနှစ်ကားပေါ့။ နောက်အပြင်တိုက်နဲ့ကမေမြင့်မိုရ်နဲ့တစ်ကားရိုက်ထားပါတယ်။
-အသည်းကြီးဝတ်ရည်မှာ ပရိသတ်တွေသိလာတယ်။ ဗီဒီယိုအနေနဲ့ထပ်ထွက်ဖို့ကိုလဲမျှော်လင့်နေကြတယ်။ အခုနောက်ပိုင်း ကားရိုက်တာလဲသိပ်မတွေ့တော့ အဲ့ဒီအပိုင်းနဲ့ပတ်သက်ပြီးတော့လဲသိချင်ပါတယ်။
-ကိုဂျမန်းတို့နဲ့ကကျတော့ ကိုဂျွန်လွင်နဲ့မအားဝေတို့နဲ့နှစ်ယောက်ချုပ်ထားတဲ့စာချုပ်က သဘောတရားတစ်ခုအရဆိုရင် မဟော်ဂနီအနေနဲ့ ဇာတ်ကားတွေရိုက်သွားမယ်။ ကိုဂျွန်လွင်ကကျတော့ ကျွန်တော့်ကို အခွေ စီစဉ်ပေးမယ်ဆိုပြီး လုပ်ထားတယ်။ ဒါပေမဲ့ ကိုဂျွန်နဲ့စာချုပ်ပြတ်သွားတဲ့အချိန်မှာ မအားဝေတို့နဲ့ချုပ်ထားတဲ့စာချုပ်ပါပြတ်သွားတယ်။ စာချုပ်က နှစ်ယောက်စပ်တူ ရှယ်ယာလုပ်ထားတဲ့ စာချုပ်ဖြစ်တဲ့အတွက် ကိုဂျွန်နဲ့ပြတ်တဲ့အခါ မအားဝေတို့နဲ့ပါပြတ်သွားတယ်။ ကိုဂျမန်းအနေနဲ့လဲ အခုနောက်ပိုင်း ဗီဒီယိုဈေးကွက်ပျက်နေတဲ့အချိန်မှာ မြင်ပြီးသားမင်းသားတစ်ယောက်ကို မသုံးချင်ဘူး။ အဲ့ဒါကြောင့် မျက်နှာသစ်တွေနဲ့ပဲ ဆက်ရိုက်မယ်။ နောက်ပိုင်းသူတို့အနေနဲ့ပြန်ကမ်းလှမ်းရင်တော့ ကျွန်တော်ကရိုက်ပေးရမယ်ပေါ့။ အခုခုနစ်နှစ်ချုပ်ထားတဲ့စာချုပ်က သုံးနှစ်ကျော်အတွင်းမှာ ပျက်သွားတယ်ပေါ့။ အခုအပြင်တိုက်တွေနဲ့လဲရိုက်ခွင့်ရှိပါတယ်။ အလွတ်ပြန်ဖြစ်သွားတာပေါ့။
-စာချုပ်ပျက်သွားတာကိုရောနောင်တရမိလား။
မရပါဘူး။ စာချုပ်ရှိနေစဉ်အတွင်းမှာလဲ ကျွန်တော့အနေနဲ့အားလုံးကို အကုန်လုံးကို အကောင်းဆုံးနဲ့အဆင်ပြေဆုံးဖြစ်အောင်နေပေးခဲ့တယ်။ ဒါပေမဲ့ကံမကောင်းစွာနဲ့ပဲ ကိုယ်နဲ့စာချုပ်ချုပ်ခဲ့တဲ့ သူတွေနဲ့ပြသနာပေါ်တယ်။ ပေါ်တဲ့အချိန်မှာ ကျွန်တော်လဲတော်တော်ခံလိုက်ရတယ်။ အမှုတွေဘာတွေဖြစ်တဲ့အထိလဲဖြစ်ခဲ့တယ်။ ကိုယ်နဲ့မတိုက်ဆိုင်လို့ဆက်ပြီး လက်မတွဲလိုက်ရဘူးလို့ပဲသတ်မှတ်ပါတယ်။
-စာချုပ်ပျက်သွားတဲ့အချိန်မှာ အမှုကပြီးသွားပြီလားဘယ်လိုအနေအထားရှိလဲ။
မပြီးသေးပါဘူး။ အမှုကတော့ ဒီအတိုင်းသွားနေတုန်းပါပဲ။ ကိုဂျွန်ဖက်ကငွေရလိုမှုနဲ့ပြန်ပြီး တရားစွဲထားတာပါ။ စာချုပ်ချုပ်ကတည်းကလဲ တစ်လကို ဘယ်နှကားရိုက်ပေးမယ်ဆိုတဲ့ အာမခံချက်မပါဘူး။ တစ်လကို ငွေငါးသောင်းလစာနဲ့စာချုပ်ချုပ်တယ်။ သုံးနှစ်ပြည့်တဲ့အထိလဲ တစ်ပြားတစ်ချပ်မှမရခဲ့ဘူး။ ဒီအတိုင်းပဲပြီးသွားတယ်။ ဒါပေမဲ့သူတို့ဖက်ကကျတော့ ဘာဖြစ်လဲဆိုတော့ စာချုပ်ကိုဖျက်ရင်လျှော်ကြေးအနေနဲ့ပေးရမယ်ပေါ့။ ဖျက်တာကတော့ သူတို့ဖက်ကစဖျက် တာပေါ့။ ကြေးမုံမှာကြော်ငြာတယ်။ ကျွန်တော့်ရှေ့နေကလဲ ဒီစာချုပ်က ကျွန်တော့်အတွက်တရားမ၀င်တဲ့စာချုပ်ဖြစ်တယ်။ စာချုပ်ဖြစ်ရင်သူတို့ဖက်ကယူမယ်။ စာချုပ်ထဲကအတိုင်း မလုပ်ပေးရင်ကျွန်တော့်ဖက်က ရပိုင်ခွင့်ဘာမှမရှိဘူး။ စာချုပ်ကတစ်ဖက်စောင်းနင်းဖြစ်တဲ့အတွက် တရားဥပဒေနဲ့လျော်ညီစွာနဲ့ပဲ ဒီစာချုပ်ကပျက်ပြတ်သင့်တယ်ဆိုပြီး ကျွန်တော်လဲ မြန်မာ့အလင်းနဲ့ကြေးမုံမှာတစ်ခါတည်းကြေညာလိုက်တယ်။ နောက်ပိုင်းကျွန်တော့်ရဲ့ အနုပညာလှုပ်ရှားမှုတွေမှာ ဘယ်လိုမှ မသက်ဆိုင်တော့ဘူး။ တားပိုင်ခွင့်မရှိတော့ဘူးဆိုပြီး တရားဝင်ကြော်ငြာပြီးသွားပါပြီ။ အခုနောက်ပိုင်းအမှုကတော့ ငွေရလိုမှုကို ကျွန်တော်ဖက်ကချေပလွှာပေါ့။ စာချုပ်ရှိနေစဉ်အတွင်းမှာ ကော်မရှင်ငါးဆယ်ရာခိုင်နှုန်းကိုပေးသွင်းခဲ့တယ်။ ဒါပေမဲ့သူ့ဖက်ကမရဘူး။ တခြားအကြောင်းအရာတွေနဲ့ တရားပြန်စွဲခဲ့တယ်။ အခုတော့ ဒီအတိုင်းပဲသွားနေတာပေါ့။ နှစ်နဲ့ချီပြီးကြာပါလိ့မ်မယ်။ ကျွန်တော်လဲတရားရုံးမရောက်ဖြစ်ဘူး။ ကျွန်တော့်ရှေ့နေပဲလုပ်နေတယ်။ အနုပညာအပိုင်းနဲ့ပတ်သက်ပြီးတရားဝင်ပြီးသွားပြီဆိုတာ မဂ္ဂဇင်းမှာလဲကြေညာပြီးသွားပြီ။
-အဲ့ဒီအမှုကြောင့် အစ်ကို့ရဲ့ အနုပညာလှုပ်ရှားမှုတွေမှာရော အခက်အခဲဖြစ်သေးလား။
ရှိတယ်။ စာချုပ်လဲပျက်သွားပြီ။ တရားဝင်လဲကြော်ငြာထားတယ်။ ဒါပေမဲ့ ရုပ်ရှင်ရိုက်ကူးမှုအပိုင်းနဲ့ပတ်သက်ပြီး ကျွန်တော့်ကို ကမ်းလှမ်းတာမျိုးတွေ၊ ခေါ်တာမျိုးတွေရှိတယ်။ ဒါပေမဲ့ ပျက်ပြယ်ကြောင်း တရားဝင်ရေးပေးလိုက်တဲ့ဟာကို လိုချင်ကြတယ်။ ဘာလို့လဲဆိုတော့ ကားရိုက်ထွက်လာပြီးတော့မှ တားလိုက်ရင် ဘယ်လိုလုပ်မလဲဆိုပြီးစိုးရိမ်နေကြတယ်။ တားပိုင်ခွင့်လဲမရှိပါဘူး။ ကျွန်တော့ရဲ့ အနုပညာလုပ်ငန်းကကျွန်တော်နဲ့ပဲသက်ဆိုင်တယ်။ သူတို့တားလို့လဲမရဘူး။ ဒါပေမဲ့ ငွေထုတ်ပြီးလုပ်ရတဲ့သူတွေအတွက်အရှုံးပေါ်မှာလဲစိုးတယ်လေ။ သူတို့ဖက်ကလဲမှန်ပါတယ်။ အဲ့ဒါကြောင့် ဒီနှစ်ထဲမှာ ပြတ်သွားတဲ့ကားတွေလဲမနည်းတော့ပါဘူး။ ၂၀၁၆ ထဲမှာတော့ ပြောထားတဲ့ကားတွေရှိပါတယ်။
-New Year ရောဘယ်မှာရှိမလဲ။
Oversea သွားဖြစ်မယ်ထင်ပါတယ်။ နေရာကတော့ရွေးနေတုန်းပဲ။ အတိအကျမသိရသေးပါဘူး။ ဒီနှစ်ကတော့ ကျွန်တော့အတွက်အရမ်းကိုရင်ခုန်စရာကောင်းနေတယ်။ ၁၈ မှာရုံတင်မဲ့အတွက်၂၀၁၆ မှာ ဘယ်လိုအကျိုးသက်ရောက်တွေရောက်လာမလဲလို့မျှော်လင့်နေပါတယ်။
Credit : Trend Myanmar
ဤစာဖတ်သူများအားလုံးပျော်ရွင်ချမ်းမြေ့ကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...
