iMyanmarHouse.com - Myanmar's No. 1 Property Website
×

ခြေဖျားတွေအေးတယ်ဆိုတာဟာ ခြေထောက်တွေဆီကို အောက်ဆီဂျင်နဲ့ သွေးကောင်းကောင်း မရောက်တဲ့အတွက် ဖြစ်လေ့ရှိတဲ့ပြဿ     နာတစ်ခုပါ။ ဒီလို သာမန်ပြဿ     နာလေးလို့ ဆိုပေ မယ့်လည်း သွေးအားနည်းရောဂါ၊ နာတာရှည်ပင်ပန်းနွမ်းနယ်မှု၊ အာရုံကြောထိခိုက်မှု၊ ဆီးချိုရောဂါနဲ့ ကိုယ်အ ပူရှိန်အလွန်အမင်းကျဆင်းမှု စတာတွေရဲ့လက္ခဏာဆို တာလည်း သိထားသင့်ပါတယ်။ ဒါ ကြောင့်မို့ ခြေဖျားတွေအေးလာ ရင် သက်သာအောင်လုပ်နိုင်တဲ့ နည်းလမ်းတချို့ကို ဖော်ပြပေး လိုက်ပါတယ်။

သံလွင်ဆီ၊ အုန်းဆီ၊ နှမ်းဆီ တစ်မျိုးမျိုးကို နွေးသွားအောင် အပူလေးပေးပြီး ခြေဖဝါးကိုလိမ်း ပြီး နှိပ်နယ်ပေးတာမျိုး အိပ်ရာ မဝင်ခင်မှာ နေ့စဉ်လုပ်ဆောင်နိုင် ပါတယ်။

နောက်တစ်နည်းကတော့ ရေနွေးစိမ်တာဖြစ်ပြီး ဇလုံနှစ်လုံး ထဲမှာ ရေအေး၊ ရေခပ်နွေးနွေး တစ်မျိုးစီထည့်ကာ တစ်လှည့်စီ ၁၀ မိနစ်လောက် စိမ်နေတုန်းမှာ ခြေချင်းဝတ်လှည့် လေ့ကျင့်ခန်း လုပ်ပေးနိုင်ပါတယ်။ ဒါတင်မက ရေနွေးထဲကို ဆားထည့်ပြီးတော့ လည်း စိမ်လို့ရသလို ချင်းပြုတ် ရည်နဲ့စိမ်တာမျိုးလည်း လုပ်နိုင်ပါ တယ်။ ချင်းကိုရေနွေးနဲ့ကျို၊ ပျား ရည်အနည်းငယ်ခတ်ပြီး သောက် ပေးခြင်းဖြင့် အနွေးဓာတ်ယူနိုင်ပါ တယ်။

ခေါင်းအစခြေအဆုံး သွေး လည်ပတ်မှုကောင်းအောင် ကူညီ ပေးနိုင်တဲ့ နောက်တစ်ခုကတော့ လက်ဖက်စိမ်းပါ။ ဂရင်းတီးထဲကို ပျားရည်လေးနည်းနည်းထည့်ပြီး သောက်လို့ရသလို အသင့်သောက်ဂရင်းတီးအိတ်ငယ် လေးအိတ် လောက်ကို ရေနွေးအိုးကြီးထဲမှာ ပွက်ပွက်ဆူအောင်ကြိုပြီး နွေး သွားတဲ့အခါမှာ ခြေထောက်စိမ် ပေးနိုင်ပါတယ်။

ငရုတ်သီးမှုန့်ကို ခြေအိတ်ခပ်ထူထူထဲထည့်ပြီး ခြေထောက်ကို စွပ်ကာ နှိပ်နယ်မယ်ဆိုရင်လည်း ခြေထောက်ကို အလျင်အမြန်နွေး သွားစေမှာပါ။ နောက်တစ်ခုက မနက်စောစောမှာ ခြေဗလာနဲ့ မြက်ခင်းပေါ်လမ်းလျှောက်ပေး တာကလည်း ခြေထောက်သွေး လည်ပတ်မှုကောင်းပြီး ခြေ ထောက်ကြွက်သားတွေ၊ ခြေချင်း ဝတ်တွေသန်မာဖို့အတွက် အ ထောက်အကူပြုပါတယ်။

ခြေအေးလက်အေးဖြစ်တာ က သံဓာတ်ချို့တဲ့မှု၊ မဂ္ဂနီဆီယမ် ချို့တဲ့မှုနဲ့လည်း ဆက်စပ်နိုင်တာ ကြောင့် သံဓာတ်၊ မဂ္ဂနီဆီယမ် ကြွယ်ဝတဲ့အစားအစာတွေအပြင် ဆရာဝန်နဲ့ တိုင်ပင်ပြီး ဖြည့်စွက် ဆေးတွေသောက်ပေးဖို့ လိုအပ်ပါ တယ်။

ဖိုးသူတော် (www.phothutaw.com)
Credit : 7Day Daily
 
 
အသစ်တင်တိုင်း Email ပို့ပေးပါမည်။
သင်၏ Email ကို အောက်တွင် ဖြည့်စွက်၍ Submit လုပ်ပါ။
 
 
Top