iMyanmarHouse.com - Myanmar's No. 1 Property Website
×

အိပ်ယာမ၀င်ခင် အကြောအချဉ်တွေဆန့်ပြီး အိပ်ရင် နောက်တစ်နေ့မနက် အိပ်ယာထချိန်မှာ ပေါ့ပါးသွက်လက်နေတဲ့ ခံစားချက်ကို တကယ်ပဲခံစားရနိုင်ပါတယ်။ ကျောနဲ့ တင်ပါးတွေကို အကြောဖြေပေးခြင်းက တစ်နေ့တာလုံးအတွက် အရေးပါလှပါတယ်။

အကြောဆန့်ခြင်းဟာ သက်တောင့်သက်သာရှိစေပြီး နှစ်နှစ်ခြိုက်ခြိုက်အိပ်ပျော်စေတဲ့အတွက် ကျန်းမာလှပတဲ့ အသားအရည်ပိုင်ဆိုင်ဖို့အတွက်လည်း အားပေးရာရောက်ပါတယ်။

ကြွက်သားနာကြင်မှုတွေမရှိစေပဲ လေ့ကျင့်ခန်းလုပ်တတ်ဖို့ကလည်း အရေးကြီးပါတယ်။ ဒါကြောင့် ရိုးရှင်းပြီး လိုက်လုပ်ဖို့လွယ်ကူတဲ့ အိပ်ယာမ၀င်ခင် ပြုလုပ်နိုင်တဲ့ လေ့ကျင့်ခန်းတစ်ချို့ကို ဖော်ပြပေးလိုက်ပါတယ်။

၁။ ကျောကိုဆန့်ထားပြီး ဒူးတစ်ဖက်ကို ဆွဲကွေးလိုက်ပါ။ ဒူးကို ရင်ဘတ်ဘက်ဆီကို ဖြည်းဖြည်းချင်း ဆွဲယူနေချိန်မှာ ကျန်တဲ့ခြေထောက်တစ်ဖက်ကိုတော့ ကြမ်းပြင်ပေါ်မှာပဲ ရှိနေပါစေ။ ပြီးရင် ဘက်ပြောင်းပြီး ကျန်တဲ့ဒူးတစ်ဖက်ကို ထပ်ပြီးဆွဲကွေးပါ။ ဒီလေ့ကျင့်ခန်းက တင်ပါးနဲ့ ကျောအောက်ဘက်ပိုင်းတွေအတွက် ကောင်းမွန်တဲ့လေ့ကျင့်ခန်းဖြစ်ပါတယ်။

၂။ မှောက်လျက်အနေအထားနဲ့ လက်နှစ်ဖက်ကို ပခုံးအောက်မှာထားပါ။ တင်ပါးကကြမ်းကိုထိနေတဲ့အချိန်မှာ လက်နှစ်ဖက်ကိုအားယူပြီး မ တင်ပါ။ အသက်ရှုသွင်း၊ရှုထုတ် လုပ်ဖို့မမေ့ပါနဲ့။

၃။ ကြမ်းပြင်မှာ ဒူးထောက်ထိုင်ပြီး လက်နှစ်ဖက်ကို ဆန့်နိုင်သလောက် ဆန့်ထုတ်ပါ။ ခန္ဓာကိုယ်ကိုလည်း ကြမ်းပြင်ကို ထိနိုင်သလောက်ထိအောက် ကြိုးစားပြီး လက်မောင်းတွေကိုလည်း ကြမ်းပြင်ကိုထိပြီး ဆန့်ထုတ်ပါ။ ဒီလေ့ကျင့်ခန်းကတော့ ကျောနဲ့ ပခုံးတွေအတွက် ကောင်းမွန်တဲ့ လေ့ကျင့်ခန်းဖြစ်ပါတယ်။

၎။ ကြမ်းပြင်မှာ ထိုင်ချပြီး ခြေထောက်နှစ်ဘက်ကို အတွင်းဘက်ကိုကွေးပါ။ ခြေမျက်စိနေရာကနေ ဖြည်းဖြည်းချင်းဆွဲကွေးပြီး ဒူးခေါင်းတွေကိုလည်း ကြမ်းပြင်နဲ့ထိနေစေဖို့ တံတောင်ဆစ်နှစ်ဖက်နဲ့ ဖိထားပါ။ ပေါင်အတွင်းသားတွေနဲ့ တင်ပါးတွေအတွက် ထိရောက်တဲ့လေ့ကျင့်ခန်းဖြစ်ပါတယ်။

၅။ ကျောဆန့်ထားပြီး တင်ပါးကို နံရံမှာကပ်မီပြီး ခြေထောက်တွေကို နံရံအတိုင်းမတ်နေအောင် ဆန့်ထားပါ။ ဒီလေ့ကျင့်ခန်းက ကျောအောက်ပိုင်းအတွင်း သွေးလည်ပတ်မှု ကောင်းမွန်အောင် အကူအညီပေးပြီး အိပ်ယာထဲမှာတင်ပြုလုပ်နိုင်တဲ့ လေ့ကျင့်ခန်းဖြစ်ပါတယ်။

Credit: thithtoolwin

ဤစာဖတ်သူများအားလုံးကျန်းမာချမ်းသာကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။

မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...
 
 
အသစ်တင်တိုင်း Email ပို့ပေးပါမည်။
သင်၏ Email ကို အောက်တွင် ဖြည့်စွက်၍ Submit လုပ်ပါ။
 
 
Top