သီဟိုဠ်စေ့တွင် ပါဝင်သည့် အာဟာရဓာတ်များနှင့် ကျန်းမာရေးအကျိုးကျေးဇူးများ

အမေရိကန်စိုက်ပျိုးရေးဌာန(USDA)၏အာဟာရဆိုင်ရာ စာရင်းဇယားများအရ သီဟိုဠ်စေ့တစ်အောင်စတွင် ကြေးနီဓာတ် ၃၁ ရာခိုင် နှုန်း၊ မဂ္ဂနီဆီယမ်ဓာတ် ၂၀ ရာခိုင်နှုန်း၊ ဖော့စဖရပ်စ် ၁၇ ရာခိုင်နှုန်း၊ သံဓာတ် ၁၀ ရာခိုင်နှုန်း၊ ဆီလီနီယမ်ဓာတ် ၈ ရာခိုင်နှုန်းနှင့် ဗီတာမင်B6 ၅ ရာခိုင်နှုန်းပါဝင်ကြောင်း သိရသည်။

လူကြိုက်များသည့် သီဟိုဠ်စေ့များတွင် ဖက်တီးအက်စစ်များ နှင့် ပရိုတိန်းဓာတ်များလည်း ပါဝင်သောကြောင့် လူနေမှုဘဝပုံစံ နှင့် ဆက်စပ်သော ကျန်းမာရေးအခြေအနေများစွာ၏ အန္တရာယ်ကို လျှော့ချရန် အထောက်အကူပြုနိုင်သည်။

သီဟိုဠ်စေ့ကဲ့သို့ အပင်မှရသော အစားအစာများ စားသုံးမှု များပြားခြင်းကြောင့် အဝလွန်ခြင်း၊ ဆီးချိုရောဂါ၊ နှလုံးရောဂါနှင့် သေဆုံးနိုင်မှုအန္တရာယ်တို့ကို လျှော့ချနိုင်ရန် အထောက်အကူပြုနိုင် သည့်အပြင် အသားအရေနှင့် ဆံကေသာတို့အတွက်လည်း အကျိုး ကျေးဇူးများရှိကြောင်း လေ့လာမှုအများအပြားက ဖော်ပြသည်။

သီဟိုဠ်စေ့တွင် ပါဝင်သော ဖက်တီးအက်စစ်များက မကောင်းသော ကိုလက်စထရောဓာတ်များကို လျှော့ချပေးနိုင်ခြင်းကြောင့် နှလုံးသွေးကြောဆိုင်ရာရောဂါ၊ လေဖြတ်ခြင်းနှင့်
 နှလုံးရောဂါတို့ ဖြစ်ပွားနိုင်သည့် အန္တရာယ်များကို လျော့ကျစေနိုင်သည်။

ထို့ပြင် သီဟိုဠ်စေ့ကဲ့သို့ အစေ့အဆန်များ ပုံမှန်စားပေးခြင်း ကြောင့် စွမ်းအင်သုံးစွဲမှုကို အနားပိုရစေပြီး ကိုယ်အလေးချိန် ထိန်း သိမ်းရန် အထောက်အကူပြုကြောင်း သိရသည်။ အမေရိကန်အာ ဟာရဂျာနယ်တွင် ဖော်ပြထားသော လေ့လာမှုတစ်ခုအရ အစေ့အ ဆန်များစားသုံးမှု နည်းပါးသော အမျိုးသမီးများသည် ကိုယ်အလေး ချိန်များလာခြင်း ပို၍ကြုံတွေ့ရကြောင်း သိရသည်။
သီဟိုဠ်စေ့ကဲ့သို့ အစေ့အဆန်များ စားသုံးခြင်းကြောင့် သည်း ခြေအိတ်တွင် ကျောက်တည်နိုင်သည့် အန္တရာယ်ကို လျော့ကျစေနိုင် ကြောင်း လေ့လာမှုတစ်ခုက ဖော်ပြသည်။

ထို့ပြင် သီဟိုဠ်စေ့တွင် ပါဝင်သော ကြေးနီဓာတ်ကြောင့် အရိုး များကျန်းမာရေးကို အထောက်အကူပြုနိုင်သည်။ ယင်းတွင်ပါဝင် သော မဂ္ဂနီဆီယမ်ဓာတ်ကလည်း အရိုးများဖွဲ့စည်းပုံအတွက် အရေး ကြီးသော အခန်းကဏ္ဍမှ ပါဝင်လုပ်ဆောင်ပေးကြောင်း သိရသည်။
သို့သော် အစားအစာကို တစ်မျိုးတည်း စားခြင်းမျိုး မဟုတ်ဘဲ အမျိုးစုံအောင် ကျန်းမာရေးနှင့်အညီ စားသုံးသင့်သည်ဟု သုတေသီများက ပြောသည်။

Credit : 7Day Daily

ဤစာဖတ်သူများအားလုံးကျန်းမာချမ်းသာကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။

မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...