ရာနှုန်းပြည့် ဂျုံကြမ်းပေါင်မုန့်ကို ရွေးချယ်ပါ
ဂျုံကြမ်းနဲ့ပြုလုပ်တဲ့ ပေါင် မုန့်တွေဟာ ဆီးချိုရောဂါ၊ အဝ လွန်ရောဂါနဲ့ နှလုံးရောဂါတွေ မဖြစ်အောင် ကြိုတင်ကာကွယ်ပြီး သားဖြစ်စေပါတယ်။ ဂျုံအနုမှုန့် ဟာ ဂျုံစေ့ကို မှုန့်ညက်ပြီးဖြူသွား သည်အထိ အဆင့်ဆင့်သန့်စင်ပြီး ထုတ်တာဖြစ်တဲ့အတွက် ဂျုံစေ့ မှာပါတဲ့ ကာဗွန်ဟိုက်ဒရိတ်၊ အမျှင်ဓာတ်၊ အသားဓာတ်တွေအပြည့်အဝမရှိတော့တာကြောင့် ဂျုံကြမ်းပေါင်မုန့်တွေလောက် အာဟာရအပြည့်မရှိတော့ပါဘူး။
ပါဝင်ပစ္စည်းစာရင်းကို
သေချာကြည့်ပါ
ပေါင်မုန့်အိတ်တွေမှာ အာ ဟာရအပြည့်ပါကြောင်း၊ ဘယ် လိုဂျုံအမျိုးအစားသုံးထားကြောင်းတွေ လိုက်ဖတ်နေမယ့်အစား ပေါင်မုန့်ထုတ်လုပ်ရာမှာ ပါဝင် ပစ္စည်းတွေရေးထားတဲ့ စာရင်းကို သာ သေချာကြည့်ဖို့ လိုပါတယ်။ အုတ်ဂျုံ၊ ဂျုံကြမ်း၊ ရိုင်းဂျုံ ဘာနဲ့ လုပ်ထားတာလဲဆိုတာ ပါဝင် ပစ္စည်းစာရင်းကိုကြည့်ပြီး စစ် ဆေးနိုင်သလို ကယ်လိုရီ၊ အမျှင် ဓာတ်၊ ဆိုဒီယမ်ပါရှိမှုစာရင်းကို ကြည့်တဲ့အခါ ပေါင်မုန့်တစ်ချပ်မှာ ကယ်လိုရီ ၁၀၀ (ဒါမှ မဟုတ်) ၁၀၀ထက် နည်းတာ၊ အမျှင် ဓာတ် ၂ ဂရမ်၊ ဆိုဒီယမ်၂၂၅ မီလီဂရမ် (ဒါမှမဟုတ်) အဲဒီပမာဏထက် နည်း တယ်ဆိုရင် ဝယ်ဖို့ ရွေးချယ်သင့်ပါတယ်။
ပေါင်မုန့်အထူဘယ်လောက်ရှိလဲစစ်ပါ
ပေါင်မုန့်ထုပ်ကိုယူပြီး အ ထူဘယ်လောက်ရှိတယ်ဆိုတာ အသာအယာဖိပြီး စစ်ဆေးကြည့်နိုင်ပါတယ်။ လွယ်လွယ်ကူကူပြားသွားတယ်ဆိုရင် ဂျုံကြမ်းနဲ့လုပ်ထားတာမဟုတ် ကြောင်း သိနိုင်သလို ပေါင်မုန့်ကို အရမ်းနုပြီးပွနေအောင် ဓာတုဆေးသုံးပြီးတော့လည်း ပြုလုပ်လေ့ရှိတာကို သိထားသင့်ပါတယ်။ ပေါင်မုန့် ထုထည်ကို စစ်တဲ့အခါ ဂျုံကြမ်းပေါင်မုန့်တွေက သိပ်ပြီးမပျော့သလို ဖိကြည့်ရင်ပြားသွားတာမျိုးလည်း မဖြစ်ပါဘူး။
Credit : 7Day Daily
ဤစာဖတ်သူများအားလုံးကျန်းမာချမ်းသာကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။
မျှဝေပေးခြင်းဟာလည်းမေတ္တာတစ်မျိုးပဲမို့ မျှဝေပေးပါနော်...
