ႏႈတ္ခမ္းေလးက ႏွင္းဆီဖူးေလးလို နီနီဖူးဖူးေလးလွလိုက္တာ။ ပန္းေရာင္ေသြးၾကြယ္ေနတဲ့ ႏႈတ္ခမ္းေလးက ဆြဲေဆာင္မႈရွိလိုက္တာေနာ္ဆိုျပီး အားက်ေနတဲ့သူေတြမ်ားရွိလား။ ဒါဆို ဒီေဆာင္းပါးေလးက သင့္ျဖစ္ခ်င္ေနတဲ့ ဆႏၵေလးကို အေကာင္အထည္ေဖာ္ဖို႔ အေထာက္အပံ့ေပးႏိုင္မွာပါ။
သၾကား
သၾကားကို ႏႈတ္ခမ္းသားေပၚက ဆဲလ္ေသေတြကို ဖယ္ရွားဖို႔အတြက္ အသံုးျပဳႏိုင္ပါတယ္။ သၾကားလက္ဖက္ရည္ဇြန္း ၃ ဇြန္းစာကို ေထာပတ္ လက္ဖက္ရည္ဇြန္း ၂ ဇြန္းစာကိုေရာျပီး သမေအာင္ေမႊေပးပါ။ ဒီအေရာကို ႏႈတ္ခမ္းသားေပၚမွာ ထူထူေလးလူးေပးပါ။ ျပီးရင္လက္ေခ်ာင္းေလးေတြသံုးလို႔ ခပ္ဖြဖြေလးပြတ္ေပးပါ။ ႏႈတ္ခမ္းေပၚက ဆဲလ္ေသေတြကို ဖယ္ရွားေပးႏိုင္မွာပါ။ ေထာပတ္က ႏႈတ္ခမ္းသားအစိုဓာတ္ကို ထိန္းေပးပါတယ္။ တစ္ပတ္ကို ၃ ၾကိမ္ေလာက္လုပ္ေပးရပါမယ္။
ပ်ားရည္
ႏႈတ္ခမ္းသားေလးေတြ ေတာက္ပေစဖို႔ အသံုးျပဳႏိုင္တဲ့ သဘာဝပစၥည္းေလးတစ္ခုပါ။ ႏႈတ္ခမ္းသားကို ႏူးညံ႔ေစဖို႔လည္း အေထာက္အပံ့ေပးႏိုင္ပါတယ္။ ညအိပ္ရာမဝင္ခင္မွာ ႏႈတ္ခမ္းေပၚမွာ ပ်ားရည္ခပ္ပါးပါးေလးလိမ္းျပီး အိပ္ေပးပါ။ သီတင္းပတ္နည္းနည္းၾကာတဲ့အထိ ဆက္တိုက္လုပ္ေပးမယ္ဆိုရင္ ႏငတ္ခမ္းသားအေရာင္ေျပာင္းလဲေကာင္းမြန္လာတာကိုေတြ႔ရမွာပါ။
သံပုရာရည္
သံပုရာသီးက အစြန္အထင္းေတြကို ေလ်ာ႔ပါးသက္သာေစႏိုင္ပါတယ္။ ဒါေၾကာင့္ ႏႈတ္ခမ္းသားညိဳေနသူေတြအတြက္လည္း အသံုးတည့္မွာပါ။ လတ္လတ္ဆတ္ဆတ္ညွစ္ထားတဲ့ သံပုရာရည္ကို ႏႈတ္ခမ္းေပၚမွာလိမ္း လက္ေခ်ာင္းေလးေတြသံုးလို႔ႏွိပ္နယ္ေပးျပီး တစ္ညလံုးထားလိုက္ပါ။ မနက္အိပ္ရာထတဲ့အခါ ေရေအးေအးေလးသံုးလို႔ ေဆးခ်လိုက္ပါ။
ဘယ္ရီသီးေတြ
စေတာ္ဘယ္ရီသီး၊ ရက္စ္ဘယ္ရီသီးလိုမ်ိဳး ဘယ္ရီသီးေတြက ႏႈတ္ခမ္းသားကို ပန္းေသြးေရာင္ၾကြယ္ေစဖို႔ အေထာက္အပံ့ေပးႏိုင္ပါတယ္။ ဘယ္ရီသီးေတြကို ပ်ားရည္စစ္စစ္၊ ရွားေစာင္းလက္ပပ္အႏွစ္တို႔နဲ႔ ေသခ်ာေရာစပ္ျပီးေမႊပါ။ အႏွစ္ကို ႏႈတ္ခမ္းေပၚမွာလိမ္းျပီး ၅ မိနစ္ၾကာလိမ္းထားေပးပါ။ ျပီးရင္ေရေဆးခ်လိုက္ပါ။ ျပီးရင္ အဆီတစ္မ်ိဳးမ်ိဳးလိမ္းေပးထားလို႔ရပါတယ္။
သံလြင္ဆီ
ႏႈတ္ခမ္းသားေလးေတြက်န္းမာေစသလို အစိုဓာတ္ထိန္းေပးျပီး ႏႈတ္ခမ္းအတြက္လိုအပ္တဲ့ အာဟာရကိုျဖည့္တင္းေပးပါတယ္။ သံလြင္ဆီစစ္စစ္ေလးကို ႏႈတ္ခမ္းသားေပၚမွာ လိမ္းေပးျပီး လက္ေခ်ာင္းထိပ္ေလးေတြသံုးလို႔ႏွိပ္နယ္ေပးပါ။ အိပ္ရာမဝင္ခင္ေန႔စဉ္လုပ္ေပးမယ္ဆိုရင္ ပန္းေရာင္ေသြးၾကြယ္ျပီး က်န္းမာတဲ့ႏႈတ္ခမ္းသားေလးကို ရရွိေစမွာျဖစ္ပါတယ္။
လွပတဲ့အျပံဳးေလးေတြရဲ႕ တစ္စိတ္တစ္ပိုင္းျဖစ္တဲ့ ႏႈတ္ခမ္းေလးေတြလွပေစဖို႔ ဒီနည္းေလးေတြသံုးျပီး ႏႈတ္ခမ္းကိုေစာင့္ေရွာက္လိုက္ပါ။
Credit: Hellosayarwon
# Unicode Version ျဖင့္ ဖတ္ပါ #
နှုတ်ခမ်းလေးက နှင်းဆီဖူးလေးလို နီနီဖူးဖူးလေးလှလိုက်တာ။ ပန်းရောင်သွေးကြွယ်နေတဲ့ နှုတ်ခမ်းလေးက ဆွဲဆောင်မှုရှိလိုက်တာနော်ဆိုပြီး အားကျနေတဲ့သူတွေများရှိလား။ ဒါဆို ဒီဆောင်းပါးလေးက သင့်ဖြစ်ချင်နေတဲ့ ဆန္ဒလေးကို အကောင်အထည်ဖော်ဖို့ အထောက်အပံ့ပေးနိုင်မှာပါ။
သကြား
သကြားကို နှုတ်ခမ်းသားပေါ်က ဆဲလ်သေတွေကို ဖယ်ရှားဖို့အတွက် အသုံးပြုနိုင်ပါတယ်။ သကြားလက်ဖက်ရည်ဇွန်း ၃ ဇွန်းစာကို ထောပတ် လက်ဖက်ရည်ဇွန်း ၂ ဇွန်းစာကိုရောပြီး သမအောင်မွှေပေးပါ။ ဒီအရောကို နှုတ်ခမ်းသားပေါ်မှာ ထူထူလေးလူးပေးပါ။ ပြီးရင်လက်ချောင်းလေးတွေသုံးလို့ ခပ်ဖွဖွလေးပွတ်ပေးပါ။ နှုတ်ခမ်းပေါ်က ဆဲလ်သေတွေကို ဖယ်ရှားပေးနိုင်မှာပါ။ ထောပတ်က နှုတ်ခမ်းသားအစိုဓာတ်ကို ထိန်းပေးပါတယ်။ တစ်ပတ်ကို ၃ ကြိမ်လောက်လုပ်ပေးရပါမယ်။
ပျားရည်
နှုတ်ခမ်းသားလေးတွေ တောက်ပစေဖို့ အသုံးပြုနိုင်တဲ့ သဘာဝပစ္စည်းလေးတစ်ခုပါ။ နှုတ်ခမ်းသားကို နူးညံ့စေဖို့လည်း အထောက်အပံ့ပေးနိုင်ပါတယ်။ ညအိပ်ရာမဝင်ခင်မှာ နှုတ်ခမ်းပေါ်မှာ ပျားရည်ခပ်ပါးပါးလေးလိမ်းပြီး အိပ်ပေးပါ။ သီတင်းပတ်နည်းနည်းကြာတဲ့အထိ ဆက်တိုက်လုပ်ပေးမယ်ဆိုရင် နငတ်ခမ်းသားအရောင်ပြောင်းလဲကောင်းမွန်လာတာကိုတွေ့ရမှာပါ။
သံပုရာရည်
သံပုရာသီးက အစွန်အထင်းတွေကို လျော့ပါးသက်သာစေနိုင်ပါတယ်။ ဒါကြောင့် နှုတ်ခမ်းသားညိုနေသူတွေအတွက်လည်း အသုံးတည့်မှာပါ။ လတ်လတ်ဆတ်ဆတ်ညှစ်ထားတဲ့ သံပုရာရည်ကို နှုတ်ခမ်းပေါ်မှာလိမ်း လက်ချောင်းလေးတွေသုံးလို့နှိပ်နယ်ပေးပြီး တစ်ညလုံးထားလိုက်ပါ။ မနက်အိပ်ရာထတဲ့အခါ ရေအေးအေးလေးသုံးလို့ ဆေးချလိုက်ပါ။
ဘယ်ရီသီးတွေ
စတော်ဘယ်ရီသီး၊ ရက်စ်ဘယ်ရီသီးလိုမျိုး ဘယ်ရီသီးတွေက နှုတ်ခမ်းသားကို ပန်းသွေးရောင်ကြွယ်စေဖို့ အထောက်အပံ့ပေးနိုင်ပါတယ်။ ဘယ်ရီသီးတွေကို ပျားရည်စစ်စစ်၊ ရှားစောင်းလက်ပပ်အနှစ်တို့နဲ့ သေချာရောစပ်ပြီးမွှေပါ။ အနှစ်ကို နှုတ်ခမ်းပေါ်မှာလိမ်းပြီး ၅ မိနစ်ကြာလိမ်းထားပေးပါ။ ပြီးရင်ရေဆေးချလိုက်ပါ။ ပြီးရင် အဆီတစ်မျိုးမျိုးလိမ်းပေးထားလို့ရပါတယ်။
သံလွင်ဆီ
နှုတ်ခမ်းသားလေးတွေကျန်းမာစေသလို အစိုဓာတ်ထိန်းပေးပြီး နှုတ်ခမ်းအတွက်လိုအပ်တဲ့ အာဟာရကိုဖြည့်တင်းပေးပါတယ်။ သံလွင်ဆီစစ်စစ်လေးကို နှုတ်ခမ်းသားပေါ်မှာ လိမ်းပေးပြီး လက်ချောင်းထိပ်လေးတွေသုံးလို့နှိပ်နယ်ပေးပါ။ အိပ်ရာမဝင်ခင်နေ့စဉ်လုပ်ပေးမယ်ဆိုရင် ပန်းရောင်သွေးကြွယ်ပြီး ကျန်းမာတဲ့နှုတ်ခမ်းသားလေးကို ရရှိစေမှာဖြစ်ပါတယ်။
လှပတဲ့အပြုံးလေးတွေရဲ့ တစ်စိတ်တစ်ပိုင်းဖြစ်တဲ့ နှုတ်ခမ်းလေးတွေလှပစေဖို့ ဒီနည်းလေးတွေသုံးပြီး နှုတ်ခမ်းကိုစောင့်ရှောက်လိုက်ပါ။
